Mınıstrdiń málimetinshe, ózgeristerdiń basym bóligi sıfrlandyrý men jańa tehnologııalardy engizýmen baılanysty. Bul óz kezeginde aýyl sharýashylyǵy salasyn ashyq, qarapaıym jáne tıimdi etedi.
Sońǵy úsh jylda Aýyl sharýashylyǵy mınıstrligi birqatar nátıjeli ister atqardy. Mysaly, aýyl sharýashylyǵy ýchaskeleriniń sandyq kadastry jasaldy. Endi mınıstrlikte naqty aımaqtaǵy ár egistiktiń, jaıylym, baq nemese shabyndyq alqaptarynyń kólemin, sondaı-aq ár jer ıesiniń aty-jóni týraly aqparat bar.
Shamamen 80 myń adamnyń ıeligindegi 290 myńnan astam egistik alqaptary sıfrandyryldy. Olardyń jalpy aýmaǵy - 26 mln gektardy quraıdy. Sondaı-aq, 49 myń qazaqstandyqqa tıesili 132 myń jaıylym jer sıfrlandyryldy. Sandyq agrokadastr málimetterimen qoldau.kz saıtynan kez kelgen adam tanysa alady.
«Biz jer qatynastary salasyndaǵy memlekettik saıasat pen basqarýdy birtindep sandyq formatqa aýystyrýdamyz. Búgingi kúni naqty derekteri bar agroónerkásiptik keshenniń Ahýaldyq ortalyǵy bar. Onlaın kadastr bizge paıdalanylatyn jerdiń árbir ýchaskesin tolyq monıtorıng pen baqylaý ornatýǵa múmkindik beredi. Ár egistikpen jaıylym boıynsha ósimdikterdiń vegetasııasy, topyraqtyń temperatýrasy, aýa temperatýrasy, topyraqtaǵy ylǵal, jaýyn-shashyn, hımııalyq quramy jáne aramshóptermen zalaldanýy kúndelikti ózgeristerdi kórip otyramyz. Sondyqtan da biz jerdiń qansha ýaqyt paıdalanylatynyn nemese turyp qalǵanyn bilemiz», - dedi Saparhan Omarov.
Budan basqa, Mınıstrlik agroónerkásiptik keshen sýbektilerin sýbsıdııalaý prosesin tolyǵymen avtomattandyrdy.
Jaqyn arada egistik pen jaıylymdardyń tarıhy qamtylǵan kitapty jarııalaý josparlanýda. Sondaı-aq, jerdi tıimsiz paıdalanýshylardyń «ashyq tizimin» jasaý jáne osy tizimge kirgen jer paıdalanýshylarǵa sýbsıdııa berýge tyıym salý sharalary, 2021 jylǵa deıin jer berý jónindegi balamasyz elektrondyq konkýrstardy ótkizý júıesin engizý, egis pen jaıylymdaǵy baılanys máselesin tolyq sheshý, AО́K jaǵdaıyn tez jáne sapaly taldaýǵa jáne boljaýǵa múmkindik beretin «úlken derekterdiń» tolyqqandy júıesin qurý josparlanyp otyr.
Sondaı-aq Saparhan Omarov Aýyl sharýashylyǵy maqsatyndaǵy jerlerdi basqarýdyń tıimdiligin arttyratyn sharalar qataryna QR Aýyl sharýashyly mınıstrliginiń keıbir zań shyǵarý baǵytyndaǵy bastamalary kiretinin habarlady. Sonymen qatar, paıdalanylmaıtyn ýchaskelerdi qaıtaryp alýdy jedeldetý úshin mınıstrlik zań jobasyn ázirledi. Onda QR Aýyl sharýashlyǵy mınısrligine jerdi paıdalaný men qorǵaýdy memlekettik baqylaý fýnksııalaryn berý, sondaı-aq paıdalanylmaıtyn aýyl sharýashylyǵy jerlerine salynatyn salyqtyń bazalyq stavkasyn 20 esege arttyrý usynylady.
