Memlekettik kirister departamenti múlik, jer jáne kólik salyqtaryn tólemegen jaǵdaıda jeke tulǵalarda salyqtyq bereshek jáne ósimpul óteý qajettiligin eskertedi.
Salyqtyq bereshek týraly habarlama salyq tóleýshige salyq bereshegi eseptelgen kúnnen bastap 20 jumys kúninen keshiktirmeı jiberiledi. Eger de habarlama alǵan kúnnen bastap 30 jumys kúninde jeke tulǵa bereshegin ótemegen jaǵdaıda salyq bereshegin óndirip alý týraly buıryǵy shyǵarylyp, 5 jumys kún ishinde jeke tulǵaǵa joldanady.
Eger de, jeke tulǵa salyktyq buıryqty alǵannan keıin 5 jumys kúni ishinde bereshegin ótemese, atalǵan buıryq sot oryndaýshylarǵa májbúrlep óndirilýine jiberiledi. Sot oryndaýshy salyktyq buıryqty alǵannan bastap májbúrlep óndirý jumysyn bastaıdy, jumysty atqarý barysynda jeke tulǵanyń múligine, jer jáne kólikterine, jeke shottaryna, sonymen qatar shet elderge shyǵýyna shekteý qoıady.
Sonymen qatar Memlekettik kirister departamenti jeke tulǵaǵa salyqtyq bereshekterin óteýden basqa sot oryndaýshyǵa bereshek somasynyń 20% qyzmettik aqysyn tóleý qajettiligi týyndaıtynyn eskertedi.
