Aımaqtar • 20 Qarasha, 2019

Túrkistan: aýdandyq bólimshelerge 16 jańa jedel járdem kóligi berildi

47 ret kórsetildi

Túrkistan oblystyq jedel medısınalyq járdem stansııasyna tolyq jabdyqtalǵan, zamanaýı talapqa saı jańa kólikter berildi. Kólikter sońǵy úlgidegi ókpeni jasandy jeldetý apparatymen, elektrokardıograf, aspırator jáne taǵy da basqa asa qajetti qural-jabdyqtarmen jabdyqtalǵan.

Saltanatty sharaǵa oblys ákiminiń orynbasary Joldymurat Amanbaev jáne oblystyq qoǵamdyq densaýlyq basqarmasynyń basshysy Muqan Egizbaev pen medısına salasynyń qyzmetkerleri qatysty. Búginde oblysta jedel járdem kórsetý stansııasy men oǵan qarasty aýdandyq bólimsheler halyqqa qyzmet kórsetedi. Adam ómirine birden-bir jaýapty sala isi ilgeri damýy úshin 16 jańa jedel járdem kóligi qoldanysqa berildi. Jıynnan soń «Gazel-NEXT» markaly avtokólikter oblystyq jedel járdem stansııasynyń aýdandyq bólimshelerine jol tartty. Aldaǵy ýaqytta oblystyń medısına salasyn qosymsha 26 arnaıy kólikpen qamtý josparlanýda.

Aıta ketelik, óńirde mindetti áleýmettik medısınalyq saqtandyrý júıesin engizýge daıyndyq barysy jıi talqylanyp, úgit-nasıhat jumystary qyzý júrgizilýde. Degenmen, keı aýdandarda bul másele boıynsha halyq arasynda túsindirme jumysynyń jetkiliksiz ekendigi aıtylýda. «Áleýmettik medısınalyq saqtandyrý qory» KEAQ Túrkistan oblysy boıynsha fılıalynyń málimetinshe, jańa júıemen oblys halqynyń 82%-y qamtylǵan.

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar