Qazaqtyń asa kórnekti aqyny, poezııa padıshasy, ǵasyr qurdasy sanalatyn Muqaǵalı Maqataevtyń poezııasy, onyń shyǵarmashylyǵynyń poetıkalyq-lıngvıstıkalyq ereksheligi, tiliniń leksıkalyq baılyǵy keshendi daıarlaǵan asa zor eńbek.
Uzaq ýaqyt boıy ázirlengen bul eńbekti úlken lıngvıst-ǵalym, Memlekettik syılyqtyń laýreaty Baıynqol Qalıev, memleket qaıratkeri, f.ǵ.d., professor Janseıit Túımebaev, f.ǵ.d., professor, UǴA korrespondent-múshesi Sherýbaı Qurmanbaıuly jáne f.ǵ.d., professor Sábıra Isaqovalar yjdaǵattylyqpen daıyndaǵan. Sózdikti daıarlaý barysynda aqynnyń 5 tomdyq shyǵarmalar jınaǵy basshylyqqa alynǵan. Aqyn tiliniń sózdiginde 13 348 sóz, 5 035 turaqty sóz tirkesi, 282 myń sóz jıiligi bar eken.
Kitaptyń tanystyrylymyna qatysqan ǵylymı áleýmet bul eńbekti ult rýhanııatyna qosylǵan olja, qazaq til bilimi úshin orasan zor jetistik dep baǵalady.
