«Jyl saıyn 25 qarashada Halyqaralyq áıelderge qatysty zorlyq-zombylyqpen kúres kúni atalyp ótedi. Osyǵan baılanysty Atyraýda «Áıelderge qatysty zorlyq – zombylyqsyz 16 kún» atty naýqan jarııalandy. Bul jyly ol 25 qarashadan 10 jeltoqsan aralyǵynda ótkiziledi.
-Mundaǵy negizgi maqsat áıelderge qatysty zorlyq-zombylyqtyń aldyn alý, bala men anany qorǵaý, otbasynyń qoǵamdaǵy róliniń nyǵaıýy úshin qoldanylatyn sharalarmen turǵyndardy tanystyrý. Naýqan aıasynda stýdent jastar arasynda, túrli uıymdar men kásiporyndarda aqparattyq-nasıhat jumystaryn ótkizý josparlanǵan. Naýqanǵa qatysatyn Atyraýdyń daǵdarys ortalyqtarynyń senim telefondary arqyly keńestik-quqyqtyq jáne psıhologııalyq kómek alýǵa bolady deıdi PD jergilikti polısııa qyzmeti basqarmasynyń áıelderdi zorlyq-zombylyqtan qorǵaý jumysyn uıymdastyrý tobynyń ETJ aǵa ınspektory Bıbigúl Tólegenova.
Aıta keteıik, 2019 jyldyń on aıynda otbasyndaǵy zorlyq-zombylyq deregi boıynsha 900 – den asa áıelge qatysty quqyq buzýshylyqtar anyqtalǵan.
Atyraý qalasynyń daǵdarys ortalyǵynyń telefon nómiri: 8 (7122) 46-60-60», delingen habarlamada.
