«QR Tuńǵysh Prezıdenti – Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaev elordanyń damýyna erekshe nazar aýdarady. Búgingi tańda Nur-Sultan qalasynyń kólik ınfraqurylymyn damytý aıasynda biz óte mańyzdy oqıǵaǵa kýá bolyp otyrmyz – elorda mańyndaǵy uzyndyǵy 87 shaqyrym bolatyn aınalma jol boıymen tolyq qozǵalys ashylýda», — dedi A. Mamın.
Úkimet basshysy «shuǵyla» qaǵıdaty boıynsha elordadan Ońtústik – Ortalyq, Ortalyq – Shyǵys, Ortalyq – Batys baǵyttarynda qaýipsiz ári sapaly avtomobıl joldarynyń jobalary iske asyrylyp jatqanyn, bul elimizdiń ońtústiginen soltústigine jáne batysynan shyǵysyna týra ótýdi qamtamasyz etetinin atap ótti.
Elordanyń aınalma avtojolynyń ashylýy qalanyń kólik júıesiniń tıimdiligin arttyrýǵa, avtokólikterdiń jyldamdyq rejımin ulǵaıtýǵa jáne júrgizýshilerdiń ýaqyt shyǵyndaryn qysqartýǵa, sondaı-aq, Nur-Sultan qalasyndaǵy ekologııalyq jaǵdaıdy jaqsartýǵa múmkindik beredi.
Avtojoldy ashý rásimi aıasynda Úkimet basshysy «QazJolǴZI» AQ ǵylymı-zertteý ınstıtýty men birqatar qazaqstandyq kompanııa usynǵan avtojol salasyndaǵy jańa tehnologııalarmen jáne materıaldarmen tanysty.
