Birtilek aýyldyq okrýgi men Eńbekshi eldi mekeni sapaly elektr qýatymen qamtylyp, 13 shaqyrym kóshe jıegine jaryq shamdar ornatyldy. Mereke kúni qarsańynda osyǵan deıin aýyz sý tapshy bolyp kelgen Júzimdik, Kókbulaq eldi mekenderine sý qubyry jetkizilip, halyqtyń qýanyshy eselendi. Aýyl turǵyndary osynaý jetistikterge qol jetkizýde Elbasynyń eren eńbegi mol ekendigin aıtýda.
Mereke kúni, sondaı-aq Otyrar aýdanynda Sapar ortalyǵy ashyldy. Mádenıet jáne sport mınıstrliginiń qoldaýymen Otyrar qalajurty mańynan salynǵan Sapar ortalyǵy Otyrar oazısiniń mádenı murasyn elimiz ben shetelderde nasıhattaý, tarıhı-mádenı mura nysandaryn qorǵaý men olardyń saqtalýyn qamtamasyz etý, týrızm salasynyń zamanaýı talaptaryna saı týrıstik ortalyq jasaý maqsatynda jumys isteıtin bolady. Sonymen qatar Otyrar qoryq-mýzeıiniń bazasynda kommýnıkasııa, mádenı aqparat jáne shyǵarmashylyq ınnovasııalardy damytý baǵytynda da qyzmet atqaratyn biregeı nysanǵa aınalmaq. Sapar ortalyǵynda, sondaı-aq, mýzeı qoryna túsip otyratyn eksponattar úshin birinshi,ekinshi qabattarda ekspozısııalyq zaldar jáne mýzeı mamandary men Otyrar qalajurtynda qazba júrgizetin arheologtar úshin 16 oryndyq jataqhana ǵımaraty bar.
