Ata óneri – urpaqqa mura

Atalǵan is-shara barysynda keremet konserttik baǵ­darlama, qazaqtyń ulttyq qoldanbaly óneri men ult­tyq taǵamdar kórmeleri, qazaq hal­qynyń mádenıeti, tarıhy jáne turmys-tir­shiligin nasıhattaýǵa baǵyt­­talǵan she­­berlik sabaqtary ótkizildi. Jıynǵa qatysýshylar men qonaqtar belgili bir zattyń paıda bolý tarıhy jáne olardy jasaý ádisnamasy jaıynda kóptegen qundy derekke qanyq boldy.

Qazaqstan halqy Assam­bleıasy jáne Temirbek Júr­­­­­genov atyndaǵy Qazaq ult­­­tyq óner akademııa­sy­nyń qoldaýymen uıym­das­ty­rylǵan bul jı­ynnyń bas­ty maqsaty – qo­ǵamdyq ke­lisim men ult­tyq birliktiń qa­­­zaqstandyq mo­delin qa­lyptastyrý, qazaq­stan­dyq patrıotızmdi ny­ǵaı­tý, qazaq hal­qynyń tarıhy, salt-dás­túri, máde­nıe­ti, fılosofııasy men qun­dy­lyq­taryn barynsha nasıhattaý.

Jıyn sońynda aýyr atletıkadan álemniń eki dúr­kin chempıony, Azııa oıyn­darynyń jeńimpazy Maııa Maneza, erkin kúresten sport sheberi, birqatar dú­bir­­li do­dada daralanǵan Rýs­­lan Sym­tyqov, boks­tan eli­­­mizge eńbek sińir­gen jattyqtyrýshy, Qazaq­stan­nyń stýdentter qu­rama­sy­nyń aǵa bapkeri Dastan Sá­dýaqasov, asa daryndy ba­lýa­n, jastar arasyndaǵy álem birin­shiliginiń kúmis júl­­­de­geri Adlan Asqarov syn­­­­dy sport­shylarmen mán­di de ma­­ǵynaly kezdesý uıym­das­­­tyryldy. Olar ózde­riniń jú­­­rip ótken joldary men qol jet­kizgen tabystary jaıynda tar­tymdy áńgimeniń tıegin aǵytty.

ALMATY