О́ńirdegi qurylys salasy men Túrkistan qalasynyń damýy, turǵyn úı qurylysy jáne ekologııalyq máseleler qaralǵan májiliste memlekettik-jekemenshik áriptestik aıasynda júzege asyp jatqan jobalar boıynsha Túrkistan oblysy elimizde kósh bastap kele jatqany aıtyldy. Oblystyq ekonomıka jáne bıýdjettik josparlaý basqarmasynyń málimetinshe, Túrkııa kásipkerleri halyqaralyq áýejaı qurylysy men densaýlyq saqtaý salasyna tıesili keshenderdi júzege asyrmaq.
Jıyn barysynda basqarma tarapynan oblysta memlekettik - jekemenshik áriptestikti datymý maqsatynda tabıǵı gaz nysandaryn senimgerlik basqarýǵa berý, Túrkistan qalasynda turǵyn úı salý, jeke áriptes anyqtalmaǵan jobalardyń esepteýlerin qaıta qaraý, aýdandyq mańyzy bar avtomobıl joldary men ishki kóshelerdi seriktestikke senip tapsyrý, eldi mekenderdegi sanıtarlyq-tazalaý jumystaryn servıstik qyzmetke berý usynyldy. Oblys ákimi О́mirzaq Shókeev bıýdjet shyǵyndaryn jeńildetý úshin memlekettik - jekemenshik áriptestik tetigin tıimdi ári belsendirek qoldaný qajet ekenin atap ótti. Investorlarǵa qolaıly usynys jasap, áleýmettik mańyzy bar salalarǵa basymdyq berý kerektigin talap etti.
Túrkistan oblysy
