Máselen, fın sáýlet mektebiniń tájirıbesi – obektilerdi jobalaýda óziniń gýmanıstik tásilimen qyzyqty. Fın konsepsııasyna qurylǵan bilim berý mekemeleri – oqýǵa yntalandyrady, monýmentaldy ǵımarattary rýhtandyrady, al turǵyn úıleri álemmen úılesimde ómir súrýge kómektesedi.
«Arhıtektýralyq sheshim eshbir jaǵdaıda orta dızaınyn basyp ketpeýi tıis. Álemdi qaıta qurý ıdeıasynyń yǵyna jyńylyp ketpeı, qala turǵyndary úshin qolaıly jaǵdaı jasaý mańyzdy. О́ıtkeni, arhıtektýradaǵy eń bastysy–qabyrǵalar nemese jabyndar emes, keńistik pen atmosfera», – deıdi Raıner Mahlamıakı.
Mahlamıakıdiń pikirinshe, qazirgi zamanǵy arhıtektýranyń damýy ózara baılanysqan úsh trendke – syrtqy áserlerge turaqtylyqqa, qala belsendileri men turǵyndaryn qalalardyń kelbetin jobalaýǵa tartýǵa, sondaı-aq jergilikti mánmátinge nazar aýdarýǵa beıim.
Syrtqy áserlerge turaqtylyq – bul qalanyń óz kelbetin saqtaı otyryp, ósý jáne ózgerý qabileti. Qala turǵyndary men kózqaras kóshbasshylarynyń aralasýynsyz shaharlardy abattandyrý múmkin emes. Olar kóbinese qalanyń naqty muqtajdyqtaryn anyqtaýǵa ǵana emes, sonymen qatar onyń biregeı sáýlet-qurylys dástúrlerin saqtaýǵa kómektesedi. Sáýlet kompanııalarynyń qalalyq qoǵamdyq keńestermen yntymaqtastyǵy álemdik norma bolyp tabylady. Mysaly, Helsınkıde Raıner Mahlamıakıdiń bıýrosy kólik jáne temirjol vokzalyn, týrıstik jáne saýda ortalyǵyn, ofıstik jaılar men turaq aımaǵyn qamtıtyn Tikkurila saýda-týrıstik ortalyǵyn jobalaýǵa jumys isteıdi. Tarıhı ǵımarattar ansambliniń tutastyǵyn buzbaı, kólik baǵyttaryna kedergi keltirmeı, qorshaǵan ortamen organıkalyq úılesim tabý úshin sáýletshiler komandasy qalalyq damý tobymen ózara is-qımyl jasaıdy.
Qazir Qazaqstanda da «birge jobalaý» qaǵıdattary engizilý ústinde. Máselen, freskanyń evolıýsııalanǵan túri bolyp tabylatyn qalalyq shyǵarmashylyq obektileri – mýraldardy qurýda Tikkurila kompanııasy turaqty bastamashy ári seriktesterdiń biri bolyp tabylady.
ALMATY
