Aımaqtar • 06 Jeltoqsan, 2019

Túrkistanda 630 oryndyq kópsalaly aýrýhananyń qazyǵy qaǵyldy

50 ret kórsetildi

Memlekettik-jekeshelik áriptestik aıasynda «YDA Holding» túrik ınvestory júzege asyratyn nysannyń quny - 100 mlrd teńgege jýyq, 350 dárigerdi qosa alǵanda 1700-ge jýyq jańa jumys orny ashylady.  

Jalpy aýmaǵy 16 gektar jerdi alatyn kópsalaly aýrýhanada dıagnostıkalyq keńes kórsetýden bastap neırohırýrgııa, ýrologııa, jaraqat, qaterli isik aýrýlary syndy medısınalyq kómek kórsetetin bólimder jumys isteıtin bolady. Zamanaýı medısınalyq qural - jabdyqtarmen tolyq qamtylatyn jobany 2022 jyly aıaqtaý kózdelip otyr. Aýrýhananyń kapsýlasyn salýǵa Túrkistanǵa jumys saparymen kelgen Premer–Mınıstr Asqar Mamın, Densaýlyq saqtaý mınıstri Eljan Birtanov qatysty.

Sondaı-aq mınıstr E.Birtanov Kentaý qalasyndaǵy ortalyq aýrýhananyń jumysymen tanysyp, dárigerlermen jınalys ótkizdi. Oblystyq qoǵamdyq densaýlyq basqarmasynyń basshysy Muqan Egizbaev óńirdegi medısına mekemeleriniń búgingi jaǵdaıynan qysqasha málimet berdi. Al Kentaýdaǵy kópsalaly aýrýhana qazirgi tańda 170 myńǵa jýyq halyqqa qyzmet kórsetýde. 316 tósek-orynǵa eseptelgen. Mamandandyrylǵan jáne jalpy tájirıbelik dárigerler quramy bar. Aýrýhana ujymymen kezdesý barysynda mekemeniń 100 paıyz sıfrlandyrý júıesimen qamtamasyz etilgeni atap kórsetildi. Bıyldan bastap ınsýlt bólimshesi tolyqqandy jumys isteýde. Kompıýterlik tomografııamen qamtylǵan. Jaqyn ornalasqan Sozaq jáne Otyrar aýdandarynyń turǵyndary da osy bólimnen medısınalyq kómek alýda. Laboratorııalyq dıagnostıka tolyq avtomatty júıege kóshken. Mınıstr jıyn sońynda aýrýhana qyzmetine oń baǵasyn berdi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar