ELDIK – ELGE SERT

Osyndaı taqyryppen Qyzylaǵashtaǵy qaıǵyly oqıǵaǵa baılanysty telekópir uıymdastyryldy Ústimizdegi jyldyń 12 naýryzyna qaraǵan tún barsha otandastarymyzdyń qabyrǵasyn qaıystyryp, kóńilderine aýyr daq salǵan kún retinde este qaldy. Sol túni Almaty oblysy, Aqsý aýdany, Qyzylaǵash aýylynyń joǵary tusynda ornalasqan sý qoıma­lary­nyń birinde nóser jańbyr men qardyń kúrt erýinen jınalǵan 40 mln. tekshe metrden astam sý bógetti buzyp, bútindeı eldi mekendi topan sýdyń astynda qaldyrdy. Osynyń saldarynan sý qoıma­sy­nan qulaǵan tasqyn jolyndaǵy turǵan úılerdi shaıyp, 40-tan astam adamdy ajal qushtyrdy. Qaı­ǵy­ly oqıǵadan qaza tapqandar sany áli de naq­ty­lanýda. Qazir apat oryn alǵan jerde oblys basshy­ly­ǵy men osyǵan baılanysty qurylǵan arnaıy top Elbasy Nursultan Nazarbaevtyń tikeleı tapsyr­ma­syna oraı barlyq kúsh-jigerlerin jumyldyryp, zardap shekkenderge kómek kórsetý, aýyldy qalpyna keltirý jumystaryn júrgizip jatyr. 20 naýryz kúni keshki saǵat 18.00 men 20.00 arasynda respýblıkalyq “Habar” agenttigi men “Qazaqstan” ulttyq telearnasynyń uıymdas­ty­rýymen Qyzylaǵash turǵyndaryn qoldaýǵa arnalǵan tikeleı tele­kó­pir júrgizildi. Elbasynyń tap­syr­masymen osynaý oqıǵadan zardap shekken azamattarǵa qolushyn be­rip, aýyldy qalpyna keltirý maq­sa­tynda qurylǵan arnaıy toptyń músheleri – Tótenshe jaǵdaılar mınıstri Vladımır Bojko, Kólik jáne kommýnıkasııalar mınıstri Ábilǵazy Qusaıynov, Eńbek jáne halyqty áleýmettik qorǵaý mı­nıstri Gúlshara Ábdihalyqova, Aýyl sharýashylyǵy vıse-mınıstri Marat Orazaev, Almaty oblysy­nyń ákimi Serik Úmbetov pen basqa da azamattar qatysqan telekópir barysynda Qyzylaǵashtaǵy apat­tyń sebep-saldary, eldi mekendi qal­pyna keltirýde istelinip jatqan jumystar men Shyǵys Qazaqstan oblysynyń keıbir jerlerine tónip turǵan qaýiptiń betin qaıtarý sııaq­ty máseleler boıynsha jan-jaqty málimetter keltirildi. “Eldik – elge sert” atty taqyrypta uıym­das­tyrylǵan telekópirdi “Habar” agenttiginiń belgili jýrnalısi Berik Ýálı men “Qazaqstan” ulttyq telearnasynyń sholýshysy Sáýle Jumabek júrgizip, habarǵa qatys­qan azamattarǵa osynaý oqıǵaǵa baı­lanysty suraqtar qoıyp, qos telearnanyń menshikti tilshileri arqyly elimizdiń barlyq óńir­le­rin­de apattan zardap shekken azamat­tar­ǵa kómek kórsetý máselesiniń qandaı deńgeıde uıymdastyrylyp jatqany týraly málimettermen tanystyryp otyrdy. Telekópirde aldymen Qyzylaǵashtaǵy oqıǵanyń sebep-saldary týraly shaǵyn beı­nekórinis usynyldy. Osydan keıin apatqa baılanysty Memleket bas­shysy Nursultan Nazarbaev Pre­mer-Mınıstr, Úkimet músheleri, Bas prokýror, Prezıdent Ákim­shi­liginiń Basshysynyń qatysýymen ótkiz­gen jıynnan úzindi kórsetilip, onda Elbasynyń zardap shekken azamattardy aqshalaı, kıim-keshek, azyq-túlikpen qamtamasyz etý, buzylǵan úılerdi qaıta turǵyzý ne­mese jańa baspanalar salý jóninde bergen tapsyrmasy týraly sıýjet berildi. Onda Nursultan Ábish­uly­nyń qaza tapqan azamattardyń ot­ba­sylaryn, zardap shekken aýyl tur­ǵyndaryn “Nurly kósh” baǵdar­lamasy boıynsha daıyndalǵan 80-ge tarta pátermen, basqa da turǵyn úıler salý úshin aqshalaı qarajat­pen qamtamasyz etý kerektigi jáne elimizdegi jeke menshik qolyna ótken sý qoımalaryn memleketke qaıtarý týraly bergen tapsyr­ma­syna erekshe nazar aýdaryldy. Odan keıin telekópirge Qyzylaǵash aýylynan Almaty oblysynyń ákimi Serik Úmbetov, Tótenshe jaǵdaılar  vıse-mınıstri Valerıı Petrov pen aýyl turǵyndary qosylyp, oqıǵanyń mán-jaıy, apattyń ornyn toltyrý úshin is-sharalar jónindegi oılarmen bólisti. Oblys basshysy oqıǵaǵa qatysty bildirgen pikirinde qazir eldi me­­kende 47 kompanııanyń qurylysqa bilek sybana kirisip, 458 úıdi qalpyna keltirý boıynsha jumys istep jatqanyn, aýylǵa 1788 adam­nyń qaıta oralǵanyn,  olardyń jumysqa tartylyp otyrǵanyn aıtyp, osy jumystardyń bári Elbasynyń tapsyrmasyna sáıkes úsh-tórt aıdyń kóleminde bite­tininen habardar etti. Osy jerde elimizge Qytaıdan kóship kelgenine jeti jyl bolǵan Nursultan Juma­dııar atty azamat telekópir arqyly Prezıdentke, barlyq otandasta­ry­myzǵa Qyzylaǵashty qalpyna kel­tirýde qolushyn sozyp, mate­rıal­dyq kómek berip jatqandaryna al­ǵys sezimin bildirip, Astana stýdııa­synda otyrǵan Aýyl sharýashy­lyǵy vıse-mınıstrine qyrylǵan maldyń tólemi bola ma degen suraǵyn qoıdy. Buǵan jaýap retinde Marat Orazaev qazirgi tańda shyǵyn bol­ǵan maldyń ornyn toltyrý úshin azamattarǵa shaǵyn nesıe­lendirý baǵdarlamasy boıynsha eki jylǵa nesıe berý máselesi qarastyrylyp jatqandyǵyn aıtty. Osy arada telekópirge shyǵyp su­raq qoıǵan qandasymyzdy tol­ǵandyryp júrgen taǵy bir másele boıynsha Eńbek jáne halyqty áleýmettik qorǵaý mınıstri Gúl­sha­ra Ábdihalyqova da óz pikirin bil­dire ketti. Munda vedomstvo bas­shy­sy elge oralǵan qandastarymyz­ǵa kómektiń barlyǵy jasalatynyn, qazir Qyzylaǵashta shetelden kóship kelgen 575 adamnyń turatynyn, olardyń 435-i kvotamen kelgen baýyrlarymyz ekenin kóldeneń tart­ty. Osy oraıda bulardyń bá­rine tólemder beriletinin eskertken mınıstr jalpy apattan zardap shekken azamattardyń bárine 120 myń teńge kóleminde aqshalaı kó­mek­tiń beriletinin, al qaıtys bol­ǵan­dardyń otbasyna 500 myń teńge, sondaı-aq zeınetaqy týraly zań boı­ynsha respýblıkalyq bıýd­jet­ten bulardan da basqa kómektiń qarastyrylatynyn jetkizdi. Odan ári “Eldik – elge sert” tele­kópirine qatysýshylar – Tótenshe jaǵdaılar mınıstri Vladımır Boj­ko, Qyzylaǵash aýylynan tikeleı kórsetilimge shyqqan onyń orynbasary Valerıı Petrov, Kólik jáne kommýnıkasııalar mı­nıs­tri Ábilǵazy Qusaıynov, Aýyl sha­rýashylyǵy vıse-mınıstri Ma­rat Orazaev, Parlament Sena­ty­nyń depýtaty Bolat Jyl­qy­shıev, Pre­zıdenttik Mádenıet orta­ly­ǵy­nyń jetekshisi Myrzataı Jol­das­bekov, “Nur Otan” HDP-nyń hatshysy Erlan Qarın sóz sóılep, óz vedomstvolary tarapta­rynan atqarylyp jatqan is-sharalar jóninde keńirek málimet bere ketti. Telekópirdiń kelesi bir bóligi respýblıka óńirleriniń Qyzyla­ǵash­taǵy oqıǵadan zardap shekken­derge kórsetip jatqan kómekterine arnaldy. Osyǵan baılanysty men­shikti tilshilerdiń arnaıy bergen habarlarynda 8 jastaǵy bala men 80-ge kelgen Ázilhan Nurshaıyqov sekildi halyq jazýshysy men basqa da zeınetkerlerdiń apattan qaıtys bolǵandardyń otbasyna jáne zar­dap shekken ózge de azamattarǵa úl­ken júrekterimen kórsetip jatqan kómekteri jan-jaqty sýrettelip, beınelendi. Dastan KENJALIN.