Qazaqstan Jazýshylar odaǵynyń múshesi bolyp tabylatyn árbir qalamgerdiń veb-saıttaryn tegin jasap berý jáne olarǵa tehnıkalyq qoldaý kórsetý, qalamgerlerdiń shyǵarmalaryn bir jerge jınaqtap, olardyń birtekti elektrondy bazasyn qurýdy maqsat etetin jobada Qazaqstan Respýblıkasynyń Ulttyq memlekettik kitap palatasynyń muraǵatyn paıdalana otyryp, qalamgerlerdiń tolyq bıblıografııalyq anyqtamalyǵyn jasaý, olardyń oqyrmanmen jáne shet eldik jazýshylarmen baılanysyn damytý jumystary jolǵa qoıylýda.
Jobanyń alǵashqy tusaýkeseri Nur-Sultan qalasynda ótip, onda elordalyq jáne Aqmola oblysy boıynsha Qazaqstan Jazýshylar odaǵynyń múshesi bolyp tabylatyn 140 qalamgerge veb-saıt sertıfıkattary tabystalǵan bolatyn. 9 jeltoqsan kúni Almatyda jalǵasyn tapqan osy shara aıasynda Qazaqstan Jazýshylar odaǵynyń 85 jyldyǵyna oraı ótken saltanatty keshte Qazaqstan Respýblıkasynyń Ulttyq memlekettik kitap palatasy ár qalamgerdiń jeke atyna ashylǵan veb-saıttyń sertıfıkatyn tabys etti.
