Mysaly, Aqparat jáne qoǵamdyq damý mınıstrligi bólgen granttar aıasynda jastar bilim berý, densaýlyq saqtaý, ǵylym, mádenıet salasyndaǵy ınnovasııalyq jobalarǵa, qoǵamdyq jumystarǵa, ózin ózi basqarý organdarynyń qyzmetine belsene atsalysýda.
Osylaısha Jastar jylynda qazirgi zaman jastarynyń qalaı ómir súrip jatqanyn, ne týraly oılaıtynyn jáne nege qol jetkizgisi keletinin túsinip qana qoımaı, eń bastysy olardyń óz maqsattaryn júzege asyrýy úshin jan-jaqty jaǵdaı jasalyp, jarqyn bolashaqtyń negizi qalandy. Men uzaq jyldar boıy jastar salasynyń damýy men jaqsarýyna bastaıtyn irgeli baǵdarlamalar iske qosyldy dep senimmen aıta alamyn.
Buǵan qosa bıyl saıasatkerlerdiń, buqaralyq aqparat quraldary, bıznes ókilderiniń, jalpy qoǵamnyń nazaryn jastar taqyrybyna keńinen kóńil bólýge jaqsy múmkindik boldy. On jyldan beri tabysty jumys istep kele jatqan «Jastar» ǵylymı-zertteý ortalyǵy osy jyly jastar arasyndaǵy ózekti máselelerdi anyqtaý jáne aldyn alý maqsatynda egjeı-tegjeıli zertteýler júrgizdi. Buǵan ortalyqtyń daıyndaǵan «Qazaqstan jastary-2019» ulttyq baıandamasy, «Qazaqstandaǵy NEET jastardyń áleýmettik portreti» jáne «Aýyl jastarynyń áleýmettik jaǵdaıy: máseleleri men bolashaǵy» atty saýaldamalar dálel bola alady.
Jastar jylyna ótpeli kezeń, naýqandyq is-sharalar kesheni retinde qaraýǵa bolmaıdy. Bul – barlyq óńirdegi, qalalar men aýyldaǵy jastarmen belsendi jumys isteýdiń júıesin qaıta qaraý múmkindigi, jastar saıasatynyń biryńǵaı strategııasyn qalyptastyrýdyń bastaýy.
Marııamgúl QUSAIYNOVA,
«Jastar» ǵylymı-zertteý ortalyǵynyń bas sarapshysy
