«Tańerteń adamdar áreń oıanyp, jumysta ónimdiliginiń azaıǵanyn sezedi. Kúızelis te kóbine qysta bolady, óz-ózine qol jumsaý da qys aılarynda jıi kezdesedi. Eger adamnyń bıologııalyq saǵaty kúndelikti tirlik pen jumysqa saı bolmasa, kóńil-kúıdi ózgertý úshin tıisti sharalar qabyldaý kerek» dep jazady ǵalymdar.
Olardyń aıtýynsha, qysta bıologııalyq saǵat boıynsha adam kún jaryq bolǵanda, ıaǵnı, saǵat tańǵy 9-da turýy kerek. Al onyń ornyna saǵat 7-de oıaný uıqy kezeńiniń tolyq bolmaýyna alyp keledi. Bul qys mezgilinde kópshiliginiń tańerteń ne sebepti turǵysy kelmeıtinin túsindiredi.
«Zertteý kórsetkendeı, qysta adamdar kóbirek uıyqtaýy kerek. Al áleýmettik keste densaýlyqqa jaqsy áser ete alady. Mysaly, kez kelgen memlekettiń shyǵys bóligindegi halyq kúnniń shyǵýyn basqa jaqtardan erte sezedi. Al jumys ýaqytynyń barlyǵynda birdeı bastalýy densaýlyqqa keri áser etetindikten, jumys kestesin de soǵan sáıkes ózgertken jón» deıdi ǵalymdar.
Alaıda kóptegen halyq ózderiniń bıologııalyq saǵatyna sáıkes kelmeıtin áleýmettik kestemen júrýge májbúr. «Qazirgi tańda qysta jumys ýaqytyn azaıtý ıdeıasy esh jerde júze asyrylmaǵan. Tipti álemniń soltústigindegi Shvesııa, Fınlıandııa men Islandııada da adamdar qys mezgilinde jumys isteıdi.
