Syılyqaqylar ÚEU-dyń damýyna jáne áleýetin, materıaldyq jáne kadrlyq resýrstaryn nyǵaıtýǵa, qoǵamdyq paıdaly jobalardy iske asyrýda motıvasııany arttyrý úshin naqty múmkindik. Syıaqylar 2017 jyldan bastap ÚEU-dy yntalandyrý tetigi retinde berilip keledi.
Elordadaǵy «Redısson» qonaq úıinde Aqparat jáne qoǵamdyq damý mınıstri D.Abaevtyń qatysýymen 2019 jyldyń úzdik úkimettik emes uıymdaryna syıaqy tabystaldy.
Syılyqaqy jeńimpazdary qatarynda «Jańǵyrý» qoǵamdyq qory da bar. «Mádenıet pen ónerdi damytý» atalymy boıynsha syıaqyny alǵan «Jańǵyrý» qoǵamdyq qorynyń tóraıymy Dınara Jumabaıqyzy bul ÚEU-nyń jumysyna berilgen baǵa ári qoldaý ekenin aıtady.
«2009 jyly qurylǵan «Jańǵyrý» qoǵamdyq qorynyń basym baǵyty – mádenıet pen ónerdi, rýhanııatty damytý. Qoǵamdyq áleýmettik mańyzy bar salanyń biri - qazaq halqynyń mádenıeti men ónerin nasıhattaý maqsatyndaǵy sharalardy uıymdastyrý: ulttyq ónerdi jańǵyrtý, kóne dástúrli mýzykalyq shyǵarmalardy rýhanı aınalymǵa qosý, onyń búgingi jaı-kúıin zertteý men qoǵam nazaryna salý. «Jańǵyrý» qoǵamdyq qory mádenıet pen ónerdi damytý maqsatynda: dástúrli ónerdi nasıhattaý, asyl mura - mýzykalyq ónerimiz ben onyń belgili ókilderin nasıhattaý, Qazaqstannyń aımaqtarynyń mýzykalyq murasyn zertteý, sol asyl murany sandyq júıege kóshirip, SD dıskiler jınaǵyna shyǵarý syndy sharalarǵa basym baǵyt berý, – deıdi «Jańǵyrý» qoǵamdyq qorynyń tóraıymy Dınara Jumabaıqyzy.
