Mysaly, Qytaıda qolma-qol emes tólem, elektrondyq kommersııa men qarjy qyzmetterin damytyp otyrǵan tehnologııalyq gıganttar Alibaba men Tencent-ti aıtýǵa bolady. Qazirgi kezde Qazaqstanda álemdik deńgeıdegi ınnovasııalar jasala bastady. Otandyq Kaspi.kz kompanııasy qazaqstandyqtardyń kúndelikti ómirine qolma-qol emes tólem men elektrondy kommersııanyń ósýine yqpal etetin erekshe qyzmetterdi engizdi. Qazaqstandyq Kaspi.kz-tiń tájirıbesin qazir Garvardta zertteýde. Bul jáne bastamasy ǵana.
Kaspi.kz basshysy Mıhaıl Lomtadze jylda kompanııanyń jańa ónimderin tanystyrady. Bular mıllıondaǵan qazaqstandyqtar arasynda tez suranysqa ıe bolyp, memlekettiń sıfrly ekonomıkasyna úlken úles qosatyn serpindi jobalar.
Mıhaıl Lomtadze bıyl qarasha aıynda dástúr boıynsha ınnovasııalyq qyzmetterdi jurtshylyqqa tanystyryp, kompanııanyń aldaǵy jylǵa arnalǵan aýqymdy josparymen qýantty. Basty jańalyǵy – Kaspi.kz óz seriktesteri – shaǵyn jáne orta bıznesti qarjylandyra bastaıdy. Sonymen qatar Kaspi.kz qolma-qol emes ekonomıkaǵa úles qosýdy jalǵastyryp, súıikti klıentterine jańa ónimderdi usynady. Tanystyrylymda Mıhaıl Lomtadze jetistikterge de toqtaldy.
«Reseı men basqa elder Qazaqstannan úırenýi kerek»
Az ǵana ýaqyt buryn qazaqstandyqtar jalaqysyn bankomattan alyp, kúndelikti ómirde qolma-qol aqshany paıdalanatyn. 2016 jyldyń qyrkúıeginde QR-daǵy kartalyq operasııalar boıynsha qolma-qolsyz tólemniń úlesi 14% ǵana edi. 2019 jyldyń qyrkúıeginde bul kórsetkish 52%-ǵa jetti. Qazaqstannyń tarıhynda tuńǵysh ret qolma-qol emes tólem úlesi qolma-qol aqshany sheship alý kóleminen asty.
«Qolma-qolsyz tólem boıynsha Reseı jáne basqa da elderge Qazaqstannan úırený kerek, – dedi Mıhaıl Lomtadze, – Reseıde bıyl qolma-qolsyz tólem ósimi 25%-dy qurady jáne tómendeýde. Bizde ósim – 120% jáne ári qaraı ósýde. Buǵan qolma-qol ekonomıkany qolma-qolsyzǵa aınaldyrýǵa múmkindik beretin, naryqqa yńǵaıly jáne tıimdi ónimderdiń jasalýy sebep. Biz Qazaqstandaǵy ınnovasııalyq servısterdiń damýyna qoldan kelgenshe úles qosýdamyz jáne qolma-qol emes tólemderdiń ósetinine senimdimiz».
6 mıllıon qazaqstandyqtyń súıikti servısteri
Kaspi.kz ınnovasııalyq ekojúıesiniń negizi – erekshe mobıldi qosymsha. Álemde bir brendtiń aıasynda túrli qyzmetterdiń basyn qosyp, damytyp otyrǵan mundaı qosymsha joq. Onyń kómegimen tólem jasap, aqsha aýdaryp, jeke qarajatty basqaryp jáne bonýs alýǵa bolady. Qosymshany belsendi túrde 6 mıllıon adam qoldanady – bul árbir úshinshi qazaqstandyq nemese eldegi orta jastan asqandardyń basym bóligi.
Halyq arasynda tanymal, qolma-qolsyz tólem men satyp alýdy yńǵaıly, tıimdi jasaǵan súıikti ónimderiniń biri – Kaspi Gold kartasy. Bul kartany 4,5 mln qazaqstandyq qoldanady. Kaspi Gold-tyń aınalasynda kóptegen tıimdi servıster jınaqtalǵan. Mysaly, jyldam aýdarym, komıssııasyz tólem, qolma-qol emes satyp alý jáne tıimdi bonýstar. Bul servısterdiń kópshiligi tikeleı Kaspi.kz uıaly qosymshasy arqyly júzege asady. Kaspi Gold – Kaspi.kz uıaly qosymshasy arqyly qazirgi kezde eldegi qolma-qol emes tólemniń negizgi jetekshi kúshi bolyp otyr.
Kaspi Gold kartasy – 60 sekýndta
Kaspi Gold kartasynyń buǵan deıingi erekshelikteriniń biri – Kaspi.kz-tiń kez-kelgen bólimshesinde 15-aq mınýtta alý múmkindigi edi. Mundaı qyzmet tek Qazaqstan ǵana emes, álemniń kóptegen elderinde joq. Alaıda Kaspi.kz munymen toqtamaıdy. 2020 jyldyń aqpan aıynan bastap Kaspi.kz klıentteri Kaspi Gold kartasyn Kaspi Kartomat atalǵan arnaıy qurylǵydan 60-aq sekýndta basyp shyǵara alady. Bul Kaspi.kz komandasy Qazaqstanda jasap shyǵarǵan álemde balamasy joq jańa ónim.
Kaspi Gold-ty 60 sekýndta alý úshin Kaspi.kz qosymshasynda ótinim berý kerek. Tulǵany tanýǵa arnalǵan Kaspi ID tehnologııasy qashyqtan jeke tulǵany rastap, bólimshege barmastan barlyq qujatqa elektrondy qol qoıýǵa múmkindik beredi. Budan keıin qoldanýshy qosymsha arqyly Kaspi QR alyp, Kaspi Kartomatta tirkeledi, karta 60 sekýndta kóz aldyńyzda basylyp shyǵady.
9000-nan astam qazaqstandyq kompanııa Kaspi.kz-pen birge damıdy
Kompanııa qyzmetindegi mańyzdy baǵyttyń biri – seriktestik ekojúıe. «Biz seriktesterimizge satý kólemin arttyryp, bıznesin damytyp, qosymsha tabys alýǵa, jańa jumys ornyn ashyp, el ekonomıkasynyń damýyna úles qosýǵa kómektesemiz. Qazirgi kezde bizdiń 9000-nan astam seriktesimiz bar. Kaspi.kz ár aı saıyn ekonomıkanyń ár salasynan jańa seriktesterdi qosyp otyrady. Bular sýpermarketter, meıramhanalar, týrıstik agenttikter, elektronıka dúkenderi, jıhaz, qurylys materıaldary, sport taýarlary, avtotaýarlar jáne basqalary. Bizdiń seriktesterimizdiń Kaspi.kz arqyly sońǵy 12 aıdaǵy satý kólemi 600 mlrd teńgeni qurady», – deıdi Mıhaıl Lomtadze.
Satý kóleminiń artýyna dástúrli búkilhalyqtyq tıimdi satyp alý merekesi – Kaspi Juma da úles qosýda. О́tken jyldyń qarasha aıynda Kaspi Juma kezinde 13 mlrd teńgeniń zaty satylǵan. Bıyl Kaspi Juma besinshi ret ótti, satý kólemi 59 mlrd teńgege jetti. Satý merekesine kompanııanyń 2000 seriktesi qatysty. Jańa qyzmetterdi tanystyrý kezinde olardyń eń úzdikteri arnaıy marapatqa ıe boldy.
Kaspi Juma nátıjesi boıynsha «Eń iri bıznes» sanatynda Sulpak jelisi úzdik nátıje kórsetken. «Orta bıznes» sanaty boıynsha Mebels.kz, «Shaǵyn bıznes» atalymynda Happy Travel týrıstik agenttigi úzdik dep tanyldy. Al KIMEX Grazie kompanııasy «Úzdik jańa seriktes» atalymynda jeńimpaz retinde arnaıy syılyq aldy.
Barlyq seriktester erekshe Kaspi POS-ty tegin alady
Kaspi.kz komandasy seriktesteri úshin qolma-qol emes tólemdi qabyldaýǵa arnalǵan zamanaýı Kaspi POS termınalyn jasap shyǵardy. Quny 100 000 teńgelik qurylǵyny seriktester tegin alady. Termınal Kaspi.kz uıaly qosymshasymen tolyqtaı yqpaldastyrylyp, Kaspi QR tehnologııasymen jabdyqtalǵan. Tólem úshin karta qajet emes. Smartfondy termınalǵa jaqyndatyp, Kaspi QR-dy skanerleý jetkilikti.
Jeltoqsan aıynda Kaspi Gold tólemin kartasyz Kaspi QR arqyly tóleý múmkindigi paıda bolady. «Biz QR-tólemder mobıldi tólem naryǵyn damytýǵa yqpal etetin yńǵaıly qural bolaryna senimdimiz. Sondyqtan Kaspi Gold tólemin Kaspi QR arqyly qabyldaǵan seriktesterimizge termınaldy qoldaný komıssııasyn standartty 2,3%-dan 1,69%-ǵa tómendetemiz. Klıentter mundaı tólem arqyly kartamen tólegendeı bonýs alady», – deıdi Mıhaıl Lomtadze. Ol seriktesterine tólemdi Kaspi QR arqyly qabyldap, qarajatyn únemdeýge shaqyrdy.
Kaspi.kz seriktesterine – 1 mlrd teńgege deıin kepilsiz kredıt
Mıhaıl Lomtadzeniń basty jańalyǵy – Kaspi.kz shaǵyn jáne orta bıznesti nesıeleý naryǵyna Bıznes Kredıt ónimin usynady. Endi kompanııa seriktesterinde aınalym kapıtalyn, taýar satyp alý men bıznesti damytý úshin qarjy alýǵa múmkindik bar. Nesıe somasy kásipkerdiń Kaspi.kz arqyly sońǵy alty aıdaǵy satylym kóleminiń 20% deıin. Bıznes Kredıttiń shekti somasy – kepilsiz, 1 mlrd teńge. Kaspi.kz arqyly satylym kólemi joǵary bolsa, kredıt kólemi de joǵary. Kredıtteý merzimi – 6 aı, bul merzimge artyq tólem – 8,9%, zaımdy qarastyrý úshin eshqandaı komıssııa alynbaıdy. Kásipkerler úshin taǵy bir mańyzdysy – nesıeni merziminen buryn, aıyppulsyz, komıssııasyz tóleýge bolady. Seriktesterge kredıtti tóleý týraly ýaıymdaýdyń qajeti joq: tólem Kaspi.kz arqyly kúndelikti satylym men aınalymnan avtomatty túrde alynady.
«Qazaqstanda sapaly kredıt alýshylar joq degendi jıi estımiz. Biz buǵan senbeımiz, – dedi Mıhaıl Lomtadze Kaspi.kz-tiń seriktesteri jınalǵan tanystyrylym kezinde, – Elimizde komandasy myqty, ósip, damyp jatqan otandyq kompanııalar kóp. Osy jerde otyrǵandardyń árqaısysy sonyń jarqyn mysaly. Biz jańa ónimniń kómegimen, sizdermen birge muny dáleldep, memlekettiń damýyna úles qosa alamyz. Sondyqtan biz kelesi jyldy bıznesti, bizdiń seriktesterimiz ben shaǵyn jáne orta bıznesti damytý jyly dep jarııalaımyz», – dep habarlady Kaspi.kz basshysy.
Qazaqstandyq tájirıbeni Garvardta oqýda
Kaspi.kz keısi tabysty bolǵany sonshalyq ony Garvard bıznes mektebinde stýdentterge oqyta bastady.
«Bizdiń elimizge Garvard professorlary kelip, kompanııany zerttep, Qazaqstanmen tanysty, – deıdi Mıhaıl Lomtadze. Nátıjesinde álemniń jetekshi ýnıversıteti – Garvard bıznes mektebinde qazaqstandyq Kaspi.kz kompanııasy týraly keıs paıda boldy. Qazir bul baǵdarlamany ekinshi kýrsta oqytady. Bizdiń komanda birinshi sabaqqa shaqyryldy, bul biz úshin Qazaqstan men Qazaqstanda jasalǵan Kaspi.kz ınnovasııalyq kompanııasy týraly aıtýǵa tamasha múmkindik boldy. 180 stýdentpen kezdestik, olar álemdegi bolashaǵy jarqyn, eń aqyldy adamdar. Bizdi Garvardta bilim alýshylardyń Qazaqstan men Kaspi.kz týraly biletini qýantady».
Kaspi.kz shıkizattyq emes, joǵary tehnologııaly ekonomıkany damytýǵa tolyq múmkindik baryn kórsetedi. Kaspi.kz-tiń jańa qyzmetteriniń tıimdiligi týraly Mıhaıl Lomtadze kelesi jyly da jan-jaqty aıtyp berýge ýáde berdi.
