Rýhanııat • 16 Jeltoqsan, 2019

Tulǵaǵa taǵzym jasaldy

86 ret kórsetildi

Táýelsizdik merekesi qarsańynda elordalyq zııaly qaýym ókilderi kindik qalanyń eski qorymyna súıek kúli kómilgen memleket jáne qoǵam qaıratkeri, Alash arysy Smaǵul Sádýaqasovtyń basyna baryp taǵzym jasady.

О́tken ǵasyr basynda azattyq úshin basyn báıgege tikken ultshyl tulǵalardyń alǵy shebinde bolǵan Smaǵul Sádýaqasovtyń eń áýeli, bı­yl 100 jyldyq mereıtoıyn atap ótip jatqan «Egemen» úshin de erekshe or­ny bar. Se­bebi Alash arysy 1921 jyl­dyń qańtar aıynan bas­tap «Eńbekshil qazaq» g­azetin az ýaqyt bas­qarsa, ekinshi ret 1925 jyl­dyń ma­myr aıynda basylym re­daktorlyǵyna taǵaıyn­dalyp, respýblıkanyń bu­rynǵy astanasy Orynbordan jańa ortalyq Qyzylordaǵa gazetti buıdalap jetkizgen eken.

Jaryqtyq, naǵyz tolys­qan shaǵynda, bar-joǵy 33 jasynda Máskeý-Donbass temir jol qurylysynda apattan qaıtys bolyp, ór­telgen súıegi Don qabir­sta­nynda topyraqqa kómil­meı, qumyra ishinde saq­talyp kelgen edi. Arada 78 jyl ótkende, ıaǵnı 2011 jyl­dyń qańtar aıynda mar­qumnyń kúli týǵan topyraǵyna jet­k­izilip, elor­­danyń eski qo­rymyna jer­lengen bolatyn.

Alash arysynyń basyna taǵzym etýge jınalǵan zııa­lylar arasynan alǵash­qy bolyp sóz alǵan tarıh ǵy­lym­darynyń doktory, akademık Mámbet Qoı­gel­dıev: «Smaǵul – HH ǵa­syrdyń alǵashqy shıre­gin­degi kúrdeli kezeńniń uly tul­­ǵasy. Onyń ıdeıasy, usta­nymy bolashaqqa úlgi. Ol eń áýeli, sol tusta ja­ńa­dan bekip kele jatqan to­talı­tarlyq júıege ashyq qarsy shyqty. Eger onyń ıdeıasy jeńiske jetkende otyzynshy jyldardaǵy qyr­ǵyn bolmaıtyn edi. Bo­la­shaqta zııalylar tarapynan Soltústik Qazaqstan oblysy aýmaǵynda bir aýdanǵa kórnekti qaıratkerdiń esi­min bersek degen usynys kóterilýde. Sondaı-aq Nur-Sultan qalasyndaǵy №78 orta mektepke Smaǵuldyń esimi berilmek. Onyń artynda qalǵan murasy óte qundy. El ony bilýi kerek», dedi tanymal tarıhshy.

Sonymen qatar taǵ­zym kezinde fılologııa ǵy­­­lym­darynyń dokto­ry, pro­fes­sor Serik Ne­gı­mov, qo­ǵam qaıratkeri, res­pýb­lı­kalyq «Qa­harman­dar» res­pýblıkalyq qoǵamdyq qorynyń tóraǵasy Sabyr Qasymov, smaǵultanýshy-akademık, Reseı elinen mar­­­­­qumynyń kúlin týǵan to­pyraǵyna jetkizgen azamat Dıhan Qamzabekuly qa­tarly ǵalymdar sóz sóı­lep, Alash arysynyń san qyr­ly bolmysy jaıly baıandady.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar