Janaryna tazalyq pen shynaıylyq tunǵan erekshe talant ıesiniń ómiri teatrmen tilekeı baılanysta órildi. Qazaq qyzynyń tereń psıhologııalyq kelbetin somdaýda «Botagóz» fılmindegi róli, «Qyz Jibektiń» anasynyń rólin somdaýy, t.b. rólderi sýretshiniń kınoekrandaǵy obrazyn ashyp berse, qazaq kınosynyń tarıhynda alǵashqy ret turmysqa qajetti buıymdardy, kostıýmder, áskerı quraldardan turatyn 1500-nan astam eskızderi ulttyq qundylyqtar qoryna engen ǵajaıyp týyndylar.
Fılologııa ǵylymynyń doktory Gúlmıra Shalabaeva «Qazaqstannyń ulttyq qundylyqtary» serııasymen 2016 jyly Qazaqstan baspagerleri (AIPK) shyǵarǵan (bezendirýshisi Shaızada Báıkenova) «Sýretshiler áýleti: Evgenıı Sıdorkın, Gúlfaırýs Ysmaılova, Vadım Sıdorkın» fotoalbomynda sýretshi shyǵarmashylyǵy týraly «Eskızderinen aıqyndylyq, naqtylyq, obraz ıdeıasy men oıyn jetkizý maqsatynda barynsha dáldik pen kórkemdikke talpynys baıqalady. Onyń teatrdaǵy eskızderi daıyn shyǵarmanyń arqaýyna, al teatr kóptegen jyldar boıy onyń shyǵarmashylyǵynyń kúretamyryna aınaldy. О́z zamandastarynyń rýhanı ómirin ǵana qalyptastyrýǵa emes, olardyń oı-órisine óziniń daralyǵymen, álemge degen erekshe sezimi, kóńil-kúıi arqyly belsendi yqpal etti. Ol keskindeme arqyly áıeldiń, gúlderdiń, kún sáýlesiniń, tipten ómirdiń ózin jańasha tanyǵandaı áser beretin» dep sıpattaıdy.
Búginde Gúlfaırýs Ysmaıylovanyń rýhanı mol murasy Qazaqstan mádenıetiniń, qazaq keskindemesiniń klassıkasyna aınaldy.
ALMATY
