Joǵarǵy sanatty sheber-oqytýshy Maqsut Ibadýllaev synyptan tys kezde de stýdentterdiń shyǵarmashylyq turǵydan shyńdalýyna kúsh-jigerin aıaǵan emes. Osy joly da asa daıyndyqpen kelgen Maqsut Joldasuly Almaty qurylys jáne halyqtyq kásipshilik kolledjiniń óńdiristik oqytý sheberhanasynda «Tenor dombyranyń negizgi bólikteri» sheberlik saǵatyn ónertanýshy-zertteýshi ǵalym Bolat Sarybaevtyń oryndaýynda ulttyq mýzykalyq aspaptarynyń birneshe aýdıo jazbasyn tyńdaýdan bastady. Mýzykanyń úninen aspaptyń ózine tán ereksheligin ańǵarýǵa bolatynyn, sondaı-aq qazaq halqynyń keń taraǵan mýzykalyq aspaby tenor-dombyranyń negizgi bólikteriniń ataýlaryn, atqaratyn qyzmetin, ólshemderin, jasalatyn aǵash materıaldary týraly keńinen aqparat berip ótti.
Dombyranyń negizgi bólikteri
Tenor dombyranyń negizgi bólikteri jáne qurylysynyń syzbasy:
Basy – uzyndyǵy – 90 mm, qalyńdyǵy –10 mm qatty aǵashtan jasalady.
Daıyndamasynyń uzyndyǵy -160 mm. Oǵan qulaqtardy ornatady.
Moıyny – uzyndyǵy - 480 mm, jumsaq aǵashtarǵa qatty aǵashtan ózek salyp jasaıdy. Moıyn, dombyra keýdesiniń shanaqtaryn, moıyn japsyrmany jáne basy japsyrylatyn negizgi bólshektiń biri.
Keýdesi – uzyndyǵy – 400 mm, eni – 240 mm, bıiktigi – 120 mm, tutas aǵashtan shaýyp nemese 7 ne 9 shanaqtan qurastyryp jasaıdy. Shanaqty qatty aǵashtan kesip daıyndaıdy.
Dombyranyń moıynyn, arkasyn, túıme tuǵyryn jasap, qalypqa ornatý. Shanaqtaryn arnaıy peshte, qalypqa sáıkes ııý, shanaqtardy ólshemderi boıynsha belgilep, kesý, shanaqtardy jonyp, súrgileý.
Dombyranyń keýdesin qurastyrý, shanaqtardy jelimmen biriktirip, baılaý Dombyranyń moıyn japsyrmasy men bettaqtaıyn jelimmen japsyryp, baılaý. Kepkennen keıin óńdeý.
ALMATY
