Táýelsizdik kúnin toılaýǵa arnalǵan saltanatty is-sharada Premer-Mınıstrdiń birinshi orynbasary – Qarjy mınıstri Álıhan Smaıylov birqatar qyzmetkerdi memlekettik nagradalarmen marapattady. Qazaqstan Prezıdentiniń 2019 jylǵy 29 qarashadaǵy № 207 Jarlyǵymen Memlekettik kirister komıtetiniń tóraǵasy Marat Sultanǵazıev «Qurmet» ordenimen marapattaldy. Sondaı-aq Qarjy mınıstrliginiń birqatar laýazymdy tulǵasy «Qurmetke» ıe boldy.
Budan bólek, jıyn barysynda «Eren eńbegi úshin» medali, Qazaqstan Respýblıkasynyń Qurmet gramotasy jáne basqa da medaldar tabys etildi.
Saltanatty is-sharada Memlekettik kirister komıtetiniń talantty, jas mamandary óner kórsetti.
Baǵdarlamanyń basynda 1986 jylǵy Jeltoqsan oqıǵalary týraly estelikter oqyldy. Merekelik sharada aıtysker aqyn, salyq qyzmetkeri Oljas Otar dombyramen avtorlyq týyndysyn oryndady.
Sonymen qatar Memlekettik kirister komıtetinde de Táýelsizdik kúnine arnalǵan saltanatty is-shara ótti.
Jıynda Memlekettik kirister komıtetiniń tóraǵasy Marat Sultanǵazıev quttyqtaý sóz sóılep, memlekettik mereke qurmetine oraı Komıtettiń úzdik qyzmetkerlerin saltanatty túrde marapattady.
