Bul elimiz boıynsha Jambyl óńirinde qolǵa alynyp otyrǵan joba. Atalǵan sharaǵa Jambyl oblystyq Polısııa departamentiniń bastyǵy, polısııa polkovnıgi Arman Orazalıev jáne departamenttiń jeke quramy qatysty. «О́ńirimizde jol-kólik oqıǵalarynyń aldyn alýda Polısııa departamentimen birqatar is-sharalar atqarylýda. Osy maqsatta Jambyl oblysy ákiminiń qoldaýymen respýblıkalyq mańyzy bar avtojoldarda qyzmet kórsetetin patrýldik polısııa kólikterine on birlik «Arqan» mobıldi keshenin ornatyp, qoldanysqa berýdi josparlap otyrmyz. Mobıldi keshen oblystyń jol-kólik oqıǵasy kóp oryn alatyn aýmaqtarynda qyzmet kórsetetin bolady. Sondaı-aq avtomattandyrylǵan rejımde polısııa qyzmetkerleriniń qatysýynsyz baqylaý júrgizedi. Aıta keterlik jaıt, atalǵan qurylǵy respýblıka boıynsha bizdiń oblysta alǵash ret qoldanysqa engizilýde. Keshendi qoldanysqa engizý arqyly biz joldaǵy apattylyq deńgeıin tómendetýge qol jetkizemiz degen oıdamyz», degen Arman Orazalıev atalǵan qurylǵynyń múmkindikterin jan-jaqty tanystyrdy.
Polısııa polkovnıgi «Arqan» mobıldi kesheni joldyń baqylanatyn aımaǵy arqyly ótetin barlyq kólikterdiń nómirlik belgilerin, túsi men markasyn tanýǵa, belgilengen jyldamdyqty arttyrý derekterin tirkeýge qabiletti ekenin atap ótti. Sonymen qatar bul qurylǵynyń kómegimen aıyppul týraly aqparattar derekterdi óńdeý ortalyǵyna jáne Bas prokýratýranyń ákimshilik óndiristeriniń biryńǵaı tizilimine avtomatty túrde jiberiledi eken. «Polısııa qyzmetkeriniń júrgizýshimen qarym-qatynasyn boldyrmaı, sybaılas jemqorlyqtyń jolyn kesýge múmkindik beredi. Budan bólek, kólik quralynyń tanylǵan nómirlik belgisi boıynsha polısııanyń izdestirýinde nemese júrgizýshiniń buryn jasaǵan ákimshilik quqyq buzýshylyǵy úshin boryshkerler tiziminde bolýy avtomatty túrde tekseriledi. Bul jaǵdaıda mobıldi keshendegi polısııa ınspektory zańǵa sáıkes quqyq buzýshyǵa qatysty jedel áreket etý sharalaryn qabyldaı alady», dedi Arman Orazalıev.
«Arqan» mobıldi kesheni aǵymdaǵy jyldyń 20 jeltoqsanynan bastap bir aı kóleminde testtik rejımde jumys isteıtin bolady. Kórsetilgen merzimde jol-kólik oqıǵalarynyń deregi tómendep, oń nátıjege qol jetkizgen jaǵdaıda mobıldi qurylǵynyń sanyn arttyrý josparlanyp otyr.
