«Kastador» JShS merdigerlik mekemeniń dırektory Aıdyn Almuhametovtyń aıtýynsha, oqıǵanyń sebepteriniń biri konstrýksııanyń dánekerlenip jalǵanǵan bóliginen bolýy múmkin.
- Týtuǵyr konstrýksııasy 8 bólimnen turady, ár bóligi bekitilgen, aldyn-ala tekserý nátıjesinde dánekerleý ornynyń úzilgeni belgili boldy. Týtuǵyr konstrýksııasy Túrkııada jasalǵandyqtan, jetkizýshi bizge dánekerlengen daıyn ónimdi jiberdi, biz bul óndiristik aqaý dep sanaımyz », - dedi Aıdyn Almuhametov.
Oblystyq ákimdik oqıǵanyń neden bolǵanyn tergeýge kirisip ketti.
- Oqıǵany tergeý úshin vedomstvoaralyq komıssııa quryldy, sebep neden bolǵanyn anyqtaıdy. Nysannyń tapsyrys berýshisi "Teńizshevroıl" JShS jáne osy mekemeniń qarjysyna salynýda, qurylys aıaqtalmady, nysan teńgerimge qabyldanbady. Tergeý aıaqtalǵannan keıin jaýaptylarǵa qatysty sharalar qoldanylady. Bir de bir adam zardap shekken joq, jabdyqtar men qurylys nysandary da aman. Merdiger mekeme qalpyna keltirý jumystaryn óz qarajaty esebinen júrgizedi », - dedi Atyraý oblysy qurylys basqarmasynyń basshysy Málik Amanov.
