Sabaq barysynda 9-11 synyp oqýshylary zamanaýı qazaqstandyq armııa, áskerı qyzmet pen kásip týraly tanystyryldy. Joǵary synyp oqýshylaryna mınıstr patrıotızmniń maǵynasy, Qazaqstan Qarýly Kúshteriniń tehnıkalyq jabdyqtalýy men jetistikteri jóninde áńgimelep berdi. Sonymen birge kórneki jáne qarapaıym mysaldar keltirdi.
Mektep oqýshylary mınıstrdiń tilegi men keńesterin qyzyǵa tyńdap, ózderin tolǵandyrǵan suraqtaryn qoıýǵa múmkindikteri boldy.
О́z sózinde mınıstr jastarǵa búkil qaırat pen kúsh-jigerdi alǵa qoıǵan maqsatqa jetý úshin jumsaýdy, ýaqytty baǵalap, ony tıimdi paıdalanýǵa, ózderiniń muǵalimderine qurmet kórsetýge shaqyrdy,sondaı-aq adamnyń bilimge degen qushtarlyǵy,tyń oılary men minezi osy jas kezde qalyptasatynyn atap ótti.
Osyndaı sabaqtar qazaqstandyq oqýshylarmen turaqty jáne jıi ótkiziledi. Jas urpaqqa osyndaı formattaǵy áńgimelesý men ashyq dıalog unaıdy. Áskerıler tájıbeli mamandar retinde ózderiniń bilimderimen bólisse, al óskeleń urpaq mektep qabyrǵasynan bastap patrıot bolýmen qatar, Otan aldyndaǵy ózderiniń jaýapkershilikteri men mindetterin túsinýge úırenedi.
