Atalǵan kapsýlany búkil joralǵysyn jasaı otyryp, «Eskertkish aýmaǵy» izdeý jasaǵynyń ókili, Sankt-Peterbýrg jýrnalıster odaǵynyń jáne Reseı Federasııasy Kınematograftar odaǵynyń múshesi Sherhan Ábilov saltanatty rásimmen tapsyrdy. Budan buryn Qazaqstan Respýblıkasy Qorǵanys mınıstrligine atalǵan izdeý jasaǵynyń komandıri Maıdan Qusaıynov is-sharany ótkizýge qoldaý kórsetý týraly ótinish bildirip, qorǵanys vedomstvasynyń qoldaýyna ıe boldy.
Budan basqa, mýzeıge «Vechnyı Vash podvıg v serdsah grıadýshıh pokolenıı» dep atalatyn ústel medali, lentalar, nemis jáne orys tilderindegi nasıhattaý qaǵazdary, sondaı-aq derekti fılmder men Pıskarev eskertkish kesheni týraly qosymsha aqparattyq materıaldar berilgen bolatyn.
1941-1945 jj. Uly Otan soǵysynyń tarıhynda Pıskarev eskertkishiniń mańyzy zor. Bul zıratta Lenıngrad maıdanynda qaza bolǵan 420 myń beıbit halyq, sondaı-aq shaıqasta mert bolǵan 70 myń sarbaz ben ofıser jerlengen. Uly Otan soǵysynda Lenıngrad maıdanyna qazaqstandyqtar da qatysqan. Pıskarev zıratyndaǵy baýyrlastar qorǵanynda bizdiń de otandastarymyz da jerlengen bolýy múmkin.
