Turǵyndarmen kezdesýler turaqty túrde Memleket basshysynyń «halyq únine qulaq asatyn memleket» tujyrymdamasyna sáıkes júzege asyrylyp jatyr. Saryarqa aýdanynyń turǵyndary aýla aýmaqtaryn, kóshelerdi keńeıtý, balalar alańdaryn ornatý, pandýstardy jaılastyrý máselelerin kóterdi.
«Erekshe qajettilikteri bar turǵyndarǵa jaǵdaı jasaý - basty mindetterdiń biri. Prezıdenttiń tapsyrmasyna sáıkes elordanyń dızaın-kody bekitildi. Dızaın-kod erejeleri qala keńistikterin retteıdi. Basty mindet-qoǵamdyq keńistikti qurý jáne adamdardyń ómir súrýi úshin jaıly qala qalyptastyrý. Memleket pandýstar boıynsha standarttardy qabyldady. Budan bylaı memleketik ekpertıza pandýstardyń mindetti túrde ornatylýyn jiti qadaǵalaıtyn bolady. Balalar alańdaryn, shaǵyn sáýlet nysandaryn, abattandyrý máseleleri boıynsha jumystanǵan kezde adamdardyń pikirin eskere otyryp sheshim qabyldaımyz. Dızaın-kodta jaıaý júrginshiler, velosıped zonalary, qoǵamdyq keńistikter men kógaldandyrýdy naqty qarastyrylǵan. Jarnamalardy ornalastyrý erejeleri ázirlendi. Osynyń barlyǵy qalada ómir súrýdi qolaıly etýge kómektesedi», dedi qala ákimi Altaı Kólginov.
Erekshe qajettilikteri bar turǵyndarǵa jaǵdaı jasaý maqsatynda qalada eki ońaltý ortalyǵy, ıppodrom bazasynda ıppoterapııamen aınalysýǵa arnalǵan jabyq manej salynady. Jańa turǵyn úılerdik birinshi qabatynda emhana, polısııa pýnkti, ońaltý ortalyqtary, balabaqshalar sııaqty áleýmettik nysandar salynady. Invataksı sany 22-den 46-ǵa deıin artty.
Buǵan deıin elorda ákimi Altaı Kólginov Esil jáne Baıqońyr aýdandarynyń turǵyndarymen kezdesti. «Ashyq mıkrofon» formatyndaǵy osyndaı kezdesýler júıeli túrde ótetin bolady. Ár suraq jumysqa alyndy.
