Ǵafý Qaıyrbekov jastaıynan aýyz ádebıetiniń aqbulaǵynan meıiri qanǵansha simire jutyp, sýsynyn qandyrǵan, hıssa, dastandarǵa, jyraýlardyń qazaqy únine qulshyna qos qulaǵyn tosqan, alysqa alqynbaı shabatyn Nurhan Ahmetbekov syndy jyr tulparlarynan tálim-tárbıe alǵan naǵyz júırikterdiń biri edi. Osylaı Alla syıyn alaqanda áldıleı bilgen Ǵafý óleńde óz jolyn taýyp, poezııanyń ásem álemine jaltaryp, jasqanbaı erekshe batyldyqpen, elgezek aqyndyqpen bettedi.
Ǵafý Qaıyrbekov jastaıynan aýyz ádebıetiniń aqbulaǵynan meıiri qanǵansha simire jutyp, sýsynyn qandyrǵan, hıssa, dastandarǵa, jyraýlardyń qazaqy únine qulshyna qos qulaǵyn tosqan, alysqa alqynbaı shabatyn Nurhan Ahmetbekov syndy jyr tulparlarynan tálim-tárbıe alǵan naǵyz júırikterdiń biri edi. Osylaı Alla syıyn alaqanda áldıleı bilgen Ǵafý óleńde óz jolyn taýyp, poezııanyń ásem álemine jaltaryp, jasqanbaı erekshe batyldyqpen, elgezek aqyndyqpen bettedi.
Ǵafýdyń tuńǵysh óleńder jınaǵy sonaý 1954 jyly «Qurdastar» degen atpen jaryq kórdi. Suńqar alǵashqy ushqanynan, tulpar alǵashqy shabysynan tań qaldyryp, tanylyp qalmaı ma? Aqynnyń eń tuńǵysh «Qurdastar» atty jınaǵyna engen shuraıly jyrlardyń ishindegi bir óleń áli kúnge deıin maǵyna, mazmunyn joımaı, kórkemdik kóginde tur. Ol «Bar ma eken dep oılanam» deıtin shaǵyn ǵana óleń. Shyǵarmashylyq jolda jetilip, shyńdalýyna, oqyp, toqýyna, tipti, otbasyn qurýyna shyn máninde qamqorshy bola bilgen kórnekti aqyn, ádebıetshi, ulttyq ádebıetke oqıǵaly óleńdi berik ornyqtyrǵan Qaınekeı Jarmaǵambetovke arnalǵan. Avtor osy týyndysy arqyly eshqashan aldyn kespes aǵamen únsiz syrlasa otyryp, týǵan Torǵaıdyń asa qymbat aımaǵyn, bel-belesin beıneli sýretteıdi. Marqum, talantty aqyn Keńshilik Myrzabekov pen tanymal aqyn Shómishbaı Sarıevtardyń Ǵafekeńe kezdesken saıyn amandasqan soń osy óleńdi daýystap oqı jóneletinderine san márte kýáger bolǵanym bar. Ondaıda arqaly aqynnyń ózi de birtúrli oqyrmanǵa aınalǵandaı, taǵy da sar dalaǵa saǵynyshy oıanǵandaı yqylastana tyńdaýshy edi-aý. Aýyzdan-aýyzǵa, júrekten-júrekke tarap, klassıkalyq úlgide týǵan týyndy mátinin qyrqyp, qııanat jasamaı tolyq keltirýdi jón kórdim.
Dúbirde bar eki shı,
Mańaıynda jyra kóp,
Bizdiń áýlet eki-úsh úı
Jaılar edi jylda kep.
Jalǵyz qazyq myna jurt,
Men dúnıege týǵan jer,
Jalǵyz tutam shýda jip
Kindigimdi býǵan jer.
Týǵan jermen baılanǵan,
Ketpesteı ǵyp kindikten,
Bar ma eken dep oılanam
Myqty nárse sol jipten.
Týǵan jerdi tek qana qalamger bıikke kóteredi, alysqa aspandatady degen oıdan árıne aýlaqpyz. Qurylysshy da, kenshi de, dıqan da, malshy da, kásipker de, laýazym ıelengen jaýapty basshylar da, eldiń eńsesin túsirmeýge, áleýmettik-turmystyq jaǵdaıyn áldendirýge úlken úles qosady. Biraq qunarly topyraǵyn, ondaǵy tirshilik tynysyn, ómir aǵysyn, adamdardyń is-áreketin sıqyrly sóz qudiretimen syrly sýretke aınaldyratyn, aǵyl-tegil sezim jetegindegi aqynnyń mańdaı terine eshteme jetpeıdi. Ol eshýaqyt syr búkpeıdi. Aıtaryn tógildirip jetkizedi. Júrek lúpilin tyńdaǵyń kelse mánerlep oqylǵan óleńdi tyńda, áıtpese, oraıyn taýyp kitaptardy paraqta. Budan biraz jyldar buryn:
Týǵan jer altyn besik, asyl anam,
Aýańmen, aqsútińmen asyraǵan.
Men daǵy ulyń edim óziń tektes,
Alysqa nesibesi shashyraǵan, – dep jazǵan Ǵafý aqyn úmitin úkilep, dodaǵa túsken, oljasynan qur qalmaǵan. Biraz nesibesine jolyqqan jan. Oǵan jetelep aparyp dıdarlastyrǵan qalamgerdiń qııaǵa qalyqtaýdan qanaty talmas qyran jyrlary, qupııasynda qulpy joq aqıqatqa qurylǵan búkpesiz syrlary. Ǵajapty qara
