Kelissózder qaıta bastalmaq
Vashıngtonda kóp jyldarǵa sozylǵan úzilisten keıin Palestına men Izraıl arasyndaǵy tikeleı beıbit kelissózder qaıtadan jalǵaspaq.
Únqatysýdyń qaıta jalǵasýyna AQSh-tyń memlekettik hatshysy Djon Kerrı yqpal etti. Jeksenbi kúni ol ózi Palestına prezıdenti Mahmýd Abbasqa jáne Izraıl premer-mınıstri Bınıamın Netanıahýǵa telefon shalyp, olardyń ókilderin Vashıngtonǵa shaqyrǵan. Memlekettik departamenttiń baspasóz hatshysy Djen Psakıdiń aıtýynsha, alǵashqy kezdesýler 29 shildeni
Kelissózder qaıta bastalmaq
Vashıngtonda kóp jyldarǵa sozylǵan úzilisten keıin Palestına men Izraıl arasyndaǵy tikeleı beıbit kelissózder qaıtadan jalǵaspaq.
Únqatysýdyń qaıta jalǵasýyna AQSh-tyń memlekettik hatshysy Djon Kerrı yqpal etti. Jeksenbi kúni ol ózi Palestına prezıdenti Mahmýd Abbasqa jáne Izraıl premer-mınıstri Bınıamın Netanıahýǵa telefon shalyp, olardyń ókilderin Vashıngtonǵa shaqyrǵan. Memlekettik departamenttiń baspasóz hatshysy Djen Psakıdiń aıtýynsha, alǵashqy kezdesýler 29 shildeniń keshine jáne 30 shildege josparlanǵan.
Italııada avtobýs aýdaryldy
Jeksenbi kúni keshkilik Italııanyń Avellıno qalasy mańynda bolǵan avtobýs apatynan kem degende 38 adam qaza taýyp, onnan astam adam aýyr dene jaraqattaryn alǵan.
Sarapshylar bul jol-kólik oqıǵasyn Eýropa avtojoldaryndaǵy sońǵy jyldardaǵy eń aýyr oqıǵa dep atap otyr. Italııalyq BAQ-tardyń habarlaýynsha, qurban bolǵandardyń basym bóligin egde adamdar men balalar quraıtyn kórinedi. Qaza tapqandardyń denelerin avtobýstan shyǵaryp alýǵa qutqarýshylar eki saǵattaı ýaqyt jumsaǵan. Aýyr dene jaraqattaryn alǵan 11 adam aýrýhanalarǵa jetkizilgen.
Bengazıde búlik basylmaı tur
Lıvııan
yń shyǵysyndaǵy Bengazı qalasynda úsh birdeı qýatty jarylys oryn alǵan. Reıter agenttiginiń habarlaýynsha, jarylystardyń úsheýi de ákimshilik ǵımarattar, atap aıtqanda, prokýratýra men sot ǵımarattary ornalasqan jerde bolǵan.
Ázirge qaza tapqandar men zardap shekkender týraly naqty málimetter joq. Sol sııaqty, jarylys úshin jaýapkershilikti de eshkim óz moınyna almaı otyr. 2011 jyly qan tógisti azamat soǵysy bastalyp, sonyń barysynda eldiń lıderi Mýammar Kaddafı taǵynan qulatylǵan Bengazı qalasy áli kúnge deıin Lıvııadaǵy shıelenisti oshaqtardyń biri bolyp qalýda. Bul qalada áskerı qyzmetshiler men qaýipsizdik kúshteri qyzmetkerlerine jıi-jıi shabýyldar jasalyp turady.
Úkimet áskerleri pozısııasyn nyǵaıtýda
Sırııanyń úkimettik áskerleri lıvandyq «Hezbolla» toby sodyrlarynyń qoldaýymen Homstaǵy ózderiniń pozısııalaryn nyǵaıta tústi.
Sırııa oppozısııasy ókilderiniń aıtýlaryna qaraǵanda, prezıdent Bashar Asadtyń kúshteri áli de bolsa ereýilshiler ustap turǵan qalǵan aýdandardaǵy oppozısııalyq bólimshelerdi tunshyqtyrýǵa umtylýda. Homsqa jasalǵan shabýyl ereýilshiler baqylaýyndaǵy aýmaqtarǵa qarsy úkimet qolǵa alǵan keń aýqymdy naýqannyń bir bóligi bolyp tabylady. Bu l qalanyń qulaýy úkimet úshin úlken jeńis retinde sanalatynyn da aıta ketý qajet.
Jańa bılik qatań tártipke kóshpek
Egıpet prezıdentiniń mindetterin ýaqytsha atqarýshy Adlı Mansýr el premer-mınıstrine elde jalǵasyp jatqan qaqtyǵystar kezinde azamattyq tulǵalardy tutqynǵa alý jóninde áskerılerge buıryq berý quqyǵyn berdi.
Al «Musylman baýyrlar» ıslamıstik qozǵalysynyń jaqtaýshylary taqtan qulatylǵan prezıdent Mýrsıdi qaıtarýdy talap etip, narazylyq aksııalaryn odan ári jalǵastyrýda. Adlı Mansýr sheshiminiń eldiń ishki ister mınıstri Mohamed Ibragımniń el bıligi quqyq tártibin buzýshylarǵa qatań shara qoldanatyn bolady degen eskertýinen keıin qabyldanǵanyn aıta ketý qajet.
Berlýskonı túrmege otyrýǵa daıyn
Italııanyń burynǵy premer-mınıstri Sılvıo Berlýskonı eger ony salyq tóleýden jaltarǵany úshin kináli dep tapsa, óziniń úı tutqynynan bas tartyp, túrmege otyrýǵa nıeti bar ekenin habarlaǵan.
Bul týraly 77 jastaǵy saıasatker mılandyq kúndelikti shyǵatyn Libero gazetine bergen suhbatynda málimdegen. Aıta ketý kerek, osy iske qatysty joǵarǵy sottyń kelesi otyrysy aldaǵy aptada ótedi. Onda Berlýskonıdi bas erkinen aıyryp, onyń bes jyl boıyna memlekettik qyzmetpen aınalysýyna tyıym salatyn úkim bekitiledi nemese teriske shyǵarylady.
Saakashvılı partııasy kandıdatyn anyqtady
Saakashvılı partııasy prezıdenttikke kandıdatty anyqtady. Osylaısha «Birtutas ulttyq qozǵalys partııasy» aldaǵy qazan aıynda ótetin prezıdent saılaýyna el parlamentiniń eks-spıkeri Davıd Bakradzeniń kandıdatýrasyn usyndy.
Ol partııaishilik daýys berýde úsh birdeı kandıdattyqqa úmitkerlerden basym túsken. Biz úshin prezıdenttikke kandıdatty «kósemniń» jeke-dara taǵaıyndaýy durys bolyp sanalmaıdy, dep málimdegen «Birtutas ulttyq qozǵalys partııasynan» saılanǵan parlament múshesi Davıd Darchıashvılı. Osy arqyly ol «Grýzın armany» basqarýshy koalısııasynan usynylǵan kandıdat Georgıı Margvelashvılıdiń premer Bıdzına Ivanıshvılıdiń qalaýy boıynsha paıda bolǵanyn eskertken kórinedi.
AQSh-taǵy tikushaq apaty
Amerıkanyń Pensılvanııa shtatynda tikushaqtyń qulaýy saldarynan bes adam qaza tapqan. Olardyń bireýi bala kórinedi. Bul týraly dúısenbi kúni Azamattyq avıasııa federaldyq basqarmasyna silteme jasaı otyryp, New York Times basylymy habarlaǵan.
Tikushaq jeksenbi kúni radardan joq bolyp ketip, ekıpajben baılanys úzilgen. Nıý-Iork áýejaıynan Lıhaıton qalasyna baǵyt ustanǵan áýe kemesinde bes adam bolǵany anyqtalyp otyr. Polısııa ókili olardyń beseýiniń de qaza tapqanyn rastaǵan. Ázirge ol adamdardyń kimder ekeni anyqtalǵan joq. AQSh-tyń Kóliktegi qaýipsizdik keńesi tikushaqtyń apatqa ushyraý sebepterine tergeý júrgizbek.
Internet materıaldary negizinde ázirlendi.
