Movators shyǵarmashylyq stýdııasynyń bas prodıýseri Dmıtrıı Shegolıhınniń sózinshe, Abaıdyń qarasózderi óte oıly, al tili shuraıly. «Bir ǵana jolymen birneshe maǵynany uqtyrady, halyq murasynyń qundy dúnıelerimen sýsyndatady. Ol ómir súrgen ýaqyttyń áleýmettik mánin eskerseńiz de, áli kúnge mánin joǵaltpaǵan naqyldardy kóresiz. Ras, Abaı shyǵarmashylyǵyn ózge tilderge aýdarý qıyn, biraq biz klassıkalyq sózderimizdi qazirgi sóıleý mádenıetimen ushtastyra otyryp, olardy qaıta jańǵyrtýǵa tyrystyq», deıdi ol.
Kúntizbeniń 12 betinde Qazaqstan, Grýzııa, Reseı jáne Belarýs elderiniń aldyńǵy qatarly dızaınerleri jasaǵan 12 túpnusqa sýret bar. Olardyń árqaısysy stıldik aıyrmashylyǵyna qaramastan, bir ǵana oıdy qaýzaıdy, ol - Abaı shyǵarmashylyǵynyń kórkemdigin zertteýge tyrysý.
Kúntizbe Abaı murasyn qaıta jańǵyrtýdy ǵana emes, sonymen qatar ForteBank-tiń ekologııalyq umtylysyn de beıneleıtinimen qyzyqty. «Kúntizbe ekologııalyq taza formatta, jartylaı qaıta óńdelgen materıaldardan jasalǵan. Sol sebepti, ony bıologııalyq turǵydan tolyǵymen ydyratýǵa bolady», - deıdi ForteBank-tiń marketıng jónindegi dırektory Anton Kım. Onyń aıtýynsha, bul ónimder ótken ýaqyt pen bolashaqtyń arasyndaǵy qazirgi taqyryptyń naǵyz jalǵasy ispetti.
12 bettegi úzindiler – teńizdiń bir tamshysyndaı ǵana. Kúntizbeni jasaýshylar aıtqandaı, olardy tańdaý da ońaı bolǵan joq. Aqıqatynda, Abaı kóp jaǵdaıda oıly, muńdy aqyn retinde qabyldanady, al onyń ár jolynyń mánin ashý ulttyń qasiretin tap basýmen, shyndyqty aıqyndaı túsýmen teń.
Al ForteBank pen sýretshiler eń oıly, salmaqty úzindilerdi tańdap alýǵa tyrysty. Aıtpaqshy, aqynnyń mereıtoıyna oraı, joba uıymdastyrýshylary tek kúntizbeni ǵana jasap qoıǵan joq. Abaı Qunanbaıulynyń 175 jyldyq mereıtoıyn kez kelgen adam laıyqty túrde atap ótý úshin ForteBank óziniń veb-saıtynda barlyq kórneki sýretterdi óte qol jetimdi túrde ornalastyryp qoıdy. Ony kez kelgen qoldanýshy fýtbolkalaryna, krýjkalaryna kompıýteriniń «jumys ústelindegi» fon retinde qoldana alady, óıtkeni Abaıdyń qara sózderi ǵasyrlardan keıin de qunyn joǵaltpaıtyn danalyq.
«Kúntizbe ekologııalyq taza formatta jartylaı qaıta óńdelgen materıaldardan jasalady, sondyqtan ol tolyǵymen bıoelementtermen ydyraıdy. Bul ónimderdi keshegi men bolashaqtyń qazirgi ýaqyttaǵy naǵyz jalǵasy dep bilgenimiz jón. Biz bilimberý uıymdary úshin oqý materıaldaryn jasaýdy, Qazaqstan qalalarynyń kóshelerin kórkemóner týyndylarymen bezendirýdi jáne klıentter men aqyndardyń shyǵarmashylyq muralary týraly pikir almasý júrgizýdi josparlap otyrmyz. ForteBank jobasy klassıkaǵa zamanaýı ónerdiń prızmasy arqyly qaraýǵa arnalǵan », - dedi ForteBank Marketıng jónindegi dırektory Anton Kım.
