Stasıonarlyq kómek – keshendi kómek

Halyqqa stasıonarlyq kómek tegin medısınalyq kómektiń kepildendirilgen kólemi aıasynda shuǵyl kórsetiledi jáne mynalardy qamtıdy:

1. tekserýler, mamannyń keńesteri, sonyń ishinde telemedısına baılanysyn qoldaný;
2. densaýlyq standarttaryna sáıkes zerthanalyq jáne aspaptyq zertteýler;
3. medısınalyq qyzmetter (aqyly qyz­met­­terdi qospaǵanda), medısınalyq se­bep­terge sáıkes dárilik preparatpen qam­tamasyz etý;
4. medısınalyq maqsatta qan preparattarymen jáne onyń komponentterimen qamtamasyz etý;
5. medısınalyq uıymda ananyń (ákeniń) nemese úsh jasqa deıingi balany tikeleı baǵyp otyrǵan basqa adamnyń, sondaı-aq dárigerlerdiń qorytyndysy boıynsha qosymsha kútimdi qajet etetin aýyr naýqastanǵan úlken balalardyń ýaqytsha eńbekke jaramsyzdyq paraǵy berilýimen qamtamasyz etý;
6. balany kútý úshin medısınalyq uıym­da bir jasqa deıingi bala emizetin anany aqysyz tamaqpen qamtamasyz etý;
7. ýákiletti organ bekitken medısınalyq kómekti uıymdastyrý standarttaryna sáı­kes, onyń ishinde balalar men azamattardyń áleýmettik álsiz sanattaryna kesh jáne jal­ǵastyrylatyn medısınalyq ońaltý;
8. balalardyń stasıonarlyq medısına­lyq uıymdarynda oıyndar, demalý jáne tárbıe jumystary úshin qajetti jaǵdaılar jasaý;
9. pallıatıvtik kómek jáne meıirbıkelik kómek.

Josparly stasıonarlyq kómek mindetti áleýmettik medısınalyq saqtandyrý aıasynda kórsetiledi jáne oǵan mynadaı qyzmetter kiredi:

1. medısınalyq kórsetkishter boıynsha beıindi maman tekseredi, konsýltasııa jasaıdy;
2. dıagnostıkalyq qyzmetter;
3. aýrý asqynǵanda, ómirge qaýip tóndiretin dertti dárilik zattar, medısınalyq buıymdar arqyly, medısınalyq manıpýlıasııa, hırýrgııalyq operasııamen emdeý;
4. qanmen, onyń komponentterimen qamtamasyz etý;
5. joǵary tehnologııalyq medısınalyq qyzmetterdi qoldaný;
6. BMSK mamanynyń nemese medısına­lyq uıymnyń joldamasy boıynsha medı­sına­lyq ońaltý jáne qalpyna keltirý emi;
7. adamnyń eńbekke ýaqytsha jaramsyz ekenin rastaıtyn saraptama;
8. emdik tamaqtaný;
9. pasıentti stasıonar palatasynda tósek-orynmen qamtamasyz etý;
10. úsh jasqa tolmaǵan balanyń, qosymsha kútimge muqtaj eresek balalar­dyń aýrýhanada anasy, ákesi nemese ózge de jaqynymen birge jatýyna ruqsat etý, eńbekke ýaqytsha jaramsyzdyq paraǵyn berý;
11. Bir jasqa tolmaǵan bala emizetin anaǵa medısınalyq uıymda tegin tamaq berý;
12. Stasıonarlyq medısınalyq uıym­dar­da balalarǵa arnalǵan oıyn alańyn, demalys jáne tárbıe jumystaryn júrgizetin oryndar ashý.

Eń aldymen «Halyqqa josparly túrde stasıonarlyq kómek kórsetýdiń» bıznes josparyn qarastyraıyq.

Pasıent josparly túrde stasıonarǵa jatý úshin BMSK mamany joldama berý kerek nemese aqparattyq júıedegi kútý paraq­shasyna tirkelip, josparly emge talon alady.

Stasıonar mamany kún saıyn josparly emge joldama alǵan pasıentter tizimin qarap otyrady. Sóıtip, aýrýhanadaǵy bosaǵan oryndardy medısınalyq aqparattyq júıedegi portalǵa engizedi, ol málimet 9 jarym saǵat saqtalady. Medısınalyq uıym pasıentti qabyldaý bóliminde jumys kestesine sáıkes 60 mınýttyń ishinde qabyldap, tirkeıdi. Eger aýrý AHJ 10 kodtaryna sáıkes kelmese, onda táýlik boıy dárigerdiń baqylaýyna muqtaj naýqas jaıly málimet aqparattyq júıege jáne 907 buıryq boıynsha 003 Ý paraǵyna engiziledi. Qajet bolǵan jaǵdaıda qabyldaý bólimshesinde konsılıým uıymdastyrylady.

  Naýqas tolyq tekserýden ótken soń jáne qarsy kórsetkishter anyqtalmasa, beıin­di bólimshege jatqyzylady. Eger emdelý­ge jatýdyń qajeti bolmasa, qabyl­daý bólimshesiniń dárigeri pasıentke medı­sınalyq qorytyndy jazyp beredi. Al meıirbıke pasıentti tirkelgen jeri boıynsha BMSK uıymyna jiberedi.

Pasıent pen medısınalyq uıym arasynda medısınalyq kómek kórsetý boıynsha shart jasalady. Pasıent nemese onyń zańdy ókili emdeý-dıagnostıkaǵa jazbasha keliskennen keıin ǵana medısınalyq kómek kórsetiledi. Al adam qatty qor­qyp,­ komatozdyq kúıde bolǵanda; aınala­syn­da­ǵylarǵa qaýip tóndiretin aýrýǵa shal­dyq­qanda; psıhıkasy buzylǵan jaǵ­daı­da kelisimsiz jáne naýqastyń jaǵdaıy jaq­sarǵansha medısınalyq kómek kórsetiledi.

  Dáriger pasıentti túsken kúni qaraıdy, oǵan qajetti em jazady jáne taǵaıyndalǵan dıagnostıkalyq emdi túsindiredi. Demalys, merekeden basqa ýaqytta kún saıyn tek­se­re­di. Pasıent aýrýhanaǵa jatqan­nan bastap 3 kúnniń ishinde bólimshe meńgerýshisimen birge klınıkalyq dıagnoz qoıylady. Qosymsha dıagnostıkalyq jáne emdik qyzmet taǵaıyn­dalsa, kezekshi dáriger medısınalyq kartaǵa jazady. Pasıenttiń jaǵdaıy nasharlasa, kezekshi dáriger meńgerýshige, emdeýshi dáriger nemese jaýapty kezekshi dáriger habarlaıdy. Dıagnostıka men emdeý prosesine ózgerister engizedi jáne ony medısınalyq karta men aqparattyq júıege engizedi.

Naýqas mynadaı krıterııler boıynsha stasıonardan shyǵarylady:

1) saýyǵyp ketse, jaǵdaıy jaqsarsa nemese ózgeris baıqalmasa, qaıtys bolsa, basqa medısınalyq uıymǵa aýystyrylsa;

2) aýrý naýqastyń ómirine nemese aına­la­syn­daǵylarǵa tikeleı qaýipti bolmasa, pasıent­tiń nemese onyń zańdy ókiliniń jazbasha ótinishimen.

3) densaýlyq saqtaý uıymynyń ishki tárti­bin buzsa, sondaı-aq emdeý-dıagnostı­ka­lyq prosesine kedergi keltirse, basqa pasıent­terdiń medısınalyq kómek alýyna qysym jasasa.

Stasıonardan shyǵar aldynda pasıentke № 907 buıryqpen bekitilgen 027/e for­masy beriledi, onda klınıkalyq dıagnoz­dyń qorytyndysy, dıagnostıkalyq zertteý­lerdiń, emdeý is-sharalardyń kólemi, ári qaraı baqylaý jáne emdeý boıynsha usynym­dar jazylady.

Budan ári pasıentke ambýlatorııalyq-emhanalyq kómek; BMSK boıynsha kúndizgi stasıonarda medısınalyq kómek; táýlik boıǵy stasıonar kezinde kúndizgi stasıonarda medısınalyq kómek jáne emdi jalǵastyrý úshin basqa medısınalyq uıymǵa aýystyrý qarastyrylady.

Al aýrýhanadan shyqqan naýqas týraly bar málimet aqparattyq júıede stasıonarlyq naýqastyń elektrondyq tirkeýine engiziledi.

Endi «Halyqqa shuǵyl túrde stasıonar­lyq kómek kórsetýdiń» bıznes josparyna kóshsek.

Pasıent shuǵyl stasıonarlyq medısı­na­lyq kómekke jedel medısınalyq jár­dem qyzmetiniń, BMSK janyndaǵy jedel járdemniń jáne sanıtarlyq avıasııa­nyń mobıldi brıgadasy arqyly nemese óz betinshe júgine alady. Keıde pasıentterdi emhana, aýrýhanaǵa azamattar nemese quqyq qorǵaý organdarynyń qyzmetkerleri jet­kizedi. Naýqasqa jedel járdem kóligi men sanı­tarlyq avıasııanyń bortynda da medı­sına­lyq kómek kórsetiledi. Al pasıent em­deýge jatqyzylsa, qabyldaý bóliminiń dári­geri nemese meıirbıke №450 buıryqqa sáıkes Trıaj júıesi boıynsha bóledi.

Pasıent birinshi topqa tússe, qarqyndy terapııa palatasynda nemese operasııa bólme­sinde jedel medısınalyq kómek kór­setiledi. Jaǵdaıy turaqtalǵan kezde pasıent anestezıologııa, reanımasııa jáne qarqyndy terapııa bólimshesinde nemese beıindi bólimge jiberiledi.

Ekinshi toptaǵy pasıent dıagnostıkalyq palatada emdeledi. Dınamıkalyq baqylaý qajet bolsa, naýqas 24 saǵatqa deıin dıagnos­tıkalyq palatada bolady. Osy aralyqta tolyq jedel medısınalyq dıagnostıkalyq kómek kórsetiledi.

Úshinshi toptaǵy pasıentti qabyldaý bólimindegi tekserý kabınetine jiberedi. Ol jerde emdeý tásili anyqtalady, dıagnoz qoıylǵanǵa deıin emdik jáne dıagnostı­kalyq qyzmet kórsetiledi.

Qajet bolǵan jaǵdaıda qabyldaý bólim­she­sinde konsılıým uıymdastyrylady. Iаǵnı, keminde úsh joǵary bilikti nemese beıindi maman birlesip dıagnoz qoıady, aýrýdy emdeý tásilin anyqtaý, boljam jasaý úshin pasıentti qosymsha tekseredi.

Eger pasıent emdeýden bas tartsa, qabyldaý bóliminiń dárigeri 907 buıryqqa sáıkes naýqastyń jazbasha ótinishi negizinde medısınalyq anyqtama beredi.

Pasıent emdelý úshin aýrýhanaǵa jatsa, onda №907 buıryqqa sáıkes medısınalyq 003 /e kartasy toltyrylady. Qabyldaý kúni dáriger naýqasty tekserip, em taǵaıyndaıdy. Jáne pasıentti emdeý‐dıagnostıkalyq sharalar jaıly habardar etedi. Dáriger demalys, merekeni qospaǵanda, kún saıyn tekseredi.

Pasıent emdelýge jatqan sátten bas­tap úsh kún ishinde bólimshe meńgerýshisi men dáriger klınıkalyq dıagnoz qoıady. Kezek­shi dáriger qosymsha dıagnostıkalyq jáne emdik prosedýralar taǵaıyndaǵannan keıin medısınalyq jazba toltyrady. Eger naýqastyń jaǵdaıy nasharlasa, kezekshi dáriger bólim basshysyna, emdeýshi dárigerge nemese kezekshi jaýapty dárigerge habarlaıdy. Dıagnostıka men emdeý prosesine ózgerister engizý týraly sheshim qabyldanyp, stasıonarlyq naýqastardyń elektrondyq tirkelimi aqparattyq júıege engizedi.

Pasıent mynadaı jaǵdaıda stasıonar­dan shyǵarylady: 1) naýqas saýyǵyp, ja­ǵ­daıy jaqsarsa nemese ózgeris baıqalmasa, qaı­­tys bolsa, basqa aýrýhanaǵa aýyssa; 2) pa­­sıenttiń ómirine jáne aınalasyn­daǵylar­ǵa qaýip tónbese, emdeý kýrsy aıaq­talǵanǵa de­ıin pasıenttiń nemese oǵan jaýapty zańdy tul­ǵanyń jazbasha óti­nishi arqyly; 3) naýqas densaýlyq saqtaý uıy­mynyń ishki tártibin buzsa, sondaı‐aq emdeý-dıagnostıkalyq proseske kedergi keltirse, basqa pasıentterdiń medısınalyq kómek alý quqyǵyna qysym jasaǵan jaǵdaıda.