Jańashyldyq balanyń týýyna, nekeni tirkeý men ajyrasýǵa, aty-jóni men tegin ózgertýge baılanysty qujattardy, sondaı-aq qaıtys bolý qujattaryn tirkeý sııaqty qyzmetterdi qamtıdy. Eske salaıyq, buryn azamattar atalǵan memlekettik qyzmetterdi alý úshin turǵylyqty tirkeý orny nemese tirkeý jazbasynyń ornalasqan jeri boıynsha memlekettik korporasııanyń front-ofısterine nemese AHAT bólimine habarlasatyn. Endi azamattyq hal aktilerine qatysty 5 túrli qyzmetti kez kelgen HQO-dan nemese AHAT-tan alýǵa bolady. Bul kerekti qujattardy az ýaqyt ishinde alýǵa jáne sybaılas jemqorlyq derekterin boldyrmaýǵa múmkindik beredi.
Buryn qujattardy rásimdep alý úshin ótinish berýshi tirkeý orny boıynsha halyqqa qyzmet kórsetý ortalyqtaryna nemese tirkeýshi organǵa habarlasyp, 5-ten 30 kúnge deıin jaýap kútetin, bul qyzmet alýshylar úshin qolaısyzdyq pen qosymsha qaǵazbastylyqty týdyratyn.
