Bıe súti qosylǵan maıonez

Ulttyq qundylyqtarǵa umtylǵan, aınalamyzdaǵy 10 memleketke ónimderin taratyp otyrǵan Qazaq­standaǵy Eurasian Foods Corporation holdıngi Al­matydaǵy zaýyty. «Merekelik Provansal» atty bıe súti qosylǵan alǵashqy qazaqstandyq maıonezdiń tanys­tyrylymy men dámtataryn ótkizdi.

Azyq-túlik naryǵynda tu­tyný­shylardyń talǵamy soń­ǵy jyldary tabıǵı azyq-túlik­ke qaraı bet aldy. Al elimizde bıe sútiniń qasıetteri ejelden ba­ǵaly. Bıe sútinde adam aǵ­­zasyna qajetti 40-qa jýyq bıo­logııa­lyq komponent bar. Bú­ginde dás­túrli, qazirgi za­­manǵy for­­matta shyǵarylǵan ónimder ta­ny­mal ekenin nazarǵa ala otyryp, Eurasian Foods Corporation teh­no­logtary bıe súti qosylǵan ma­ıo­nez­ben tu­tyný­shylaryn eleń etkizýge sheshim qabyldaǵan eken.

Eurasian Foods Corporation ınnovasııalyq tehnologııalyq zerthanasynyń bastyǵy Rýslan Shildebaevtyń aıtýynsha, qazaq ulttyq asúıiniń dástúrlerin áspetteıtin biregeı maıonezdi jasaýdyń «shyǵarmashylyq prosesi» bir jylǵa sozylǵan.

Biregeı óndiristik tehnolo­gııa arqyly jańa ónim­de bar­lyq paıdaly ıngre­dıent­ter saqtalǵan. Maıonez kom­pa­nııanyń kásiporyn­darynda dástúrli «ystyq» tásilmen ón­diriledi, onyń negizinde pasterleý prosesi jatyr.

– Mundaı tehnologııa báse­ke­lestermen salystyrǵanda ón­diristiń neǵurlym uzaq ári shyǵyndy prosesin qamtıdy, biraq muny únemdeý dep esep­temeımiz. Sapa dástúrlerin us­tanatyndyqtan, maıonez­der­di klas­sıkalyq «ystyq tásil­men» ón­diretinimizdi maq­tan tuta­myz», deıdi bas tehnolog Marına Pak.

Kásiporynnyń damý stra­te­gııasyna sáıkes, zaýyt bú­ginde maıonez, ketchýp, tuz­dyq­­­tar, dámdeýishter men kún­ba­ǵys maıyn shyǵarýǵa ma­man­­danǵan. Naryqtyń qajetin qanaǵattandyryp, daıyn ónim­derdi ulǵaıtý úshin teh­no­logııalyq jáne qosalqy jab­dyqtardy jańǵyrtý jáne jańa tehnologııalardy engizý tu­raqty túrde júzege asyrylady. Sońǵy on jylda óndiristi da­my­týǵa ınvestısııa kólemi 80,5 mıllıon dollardan asqan. 3 myńǵa jýyq adamdy jumys or­nymen qamtamasyz etetin hol­dıng quramyna salanyń eki iri kásiporny – Almaty men  Qaraǵandy zaýyttary kiredi. 2018 jyldyń qorytyndysy bo­ıynsha holdıng shyǵaratyn ónim kólemi 140 myń tonnadan asty.

Almaty kásipornyndaǵy bar­lyq óndiristik prosester av­to­mattandyryldy. О́simdik ma­ıyn quıý aýstrııalyq óndiris je­lisinde, maıonez, ketchýp jáne tuzdyqtar daıyndaý – Shveı­sarııada jasalǵan jabdyqtar­da júzege asyrylady. Búgingi tań­da naryqta zamanaýı oraý, qap­tama jelilerin ornatý ar­qyly ónimniń birneshe formaty usynylǵan. Árqaısysy ab­solıýttik mıkrobıologııalyq ta­zalyqqa kepildik beredi jáne konservanttardy paıdalanbaı saqtaý merzimin uzartady. Ká­sip­orynda attestasııalan­ǵan fızıka-hımııalyq jáne mık­ro­­bıologııalyq zerthanalar ju­mys isteıdi, barlyq ke­lip tú­­setin shıkizatqa jáne shyǵa­ry­­­latyn daıyn ónimge ót­peli tek­­serý júrgizedi. Osy­laı­sha, ónim­niń qaýipsizdigi bar­lyq óndiristik sıkl boıy qam­ta­masyz etiledi.

Kóp jyldar boıy kásiporyn alys jáne jaqyn shetel elder naryqtaryna – Reseı, Qytaı, Qyrǵyzstan, О́zbekstan, Tájik­stan, Túrkmenstan, Aýǵanstan, Grýzııa, Armenııa, Ázerbaıjan men Mońǵolııaǵa ónimin jetkizip júr. 2018 jyly holdıng 19 myń tonna ónim eksporttaǵan ne­mese bul jalpy óndiris kólemi­niń 13%-y. Sońǵy bes jyl­da eksport kólemi 56%-ǵa ósti. Astana Agro-2018 forýmy­nyń qorytyndysy boıynsha Eurasian Foods Corporation hol­dıngi Qazaqstanda ónim eks­por­tynyń kóshbasshysy bolyp tanyldy.

– 2019 jyldyń jazynda holdıng quramyna Petropavl sút zaýyty – «Molochnyı soıýz» JShS kirdi. Kásiporyn 1929 jyly quryldy. «Sút oda­ǵy­men» shyǵarylatyn ónim Sol­tús­tik Qazaqstanda ǵana emes, odan tys jerlerde de tanymal. Qazir kásiporyndy aýqymdy jań­ǵyrtý jáne irimshik suryp­talymyn keńeıtýge nazar aýdara otyryp, sút ónimderiniń suryptalymyn jańartý jos­parlanýda, – deıdi Eurasian Foods Corporation AQ basqarma tóraǵasynyń orynbasary Ivan Kolesnıkov.

ALMATY