Qaraǵandy qalasynyń 55 jasar turǵyny ózin órtep jiberdi. Bul týraly oblystyq ishki ister departamenti baspasóz qyzmetiniń deregine silteme jasaı otyryp, Tengrinews.kz habarlady.
Quqyq qorǵaý qyzmetkerleriniń deregine júginsek, 55 jastaǵy azamattyń máıiti Qaraǵandy qalasyndaǵy Kóshýbaev kóshesi boıynan tabylǵan. Ol qaladaǵy jaýapkershiligi shekteýli seriktestiktiń birinde jumys istegen. Kýágerler álgi azamat benzındi denesine quıyp, ony ishken desedi. Jýyrda marqum jumys istegen seriktestik aýmaǵynan gaz ballonnyń urlanýyna baılanysty qylmystyq is qozǵalǵan bolatyn. Aldyn ala júrgizilgen tergeý deregi boıynsha onyń óz ózin óltirýine joǵarydaǵy jaǵdaı sebep bolýy múmkin.
Danııar Túımebaı.
