Qyzý-tútin kamerasy órt sóndirý mamandaryn ázirleýde asa qajetti qurylǵy. Ol shynaıy órt jaǵdaıyna barynsha jaqyndatylǵan orta qalyptastyrady. Iаǵnı, kýrsanttar tynys alý múmkindigi kúrdelengen, temperatýrasy asa joǵary ortada sheberlikterin shyńdaıdy.
Stasıonarly qyzý-tútin kamerasy bolashaq qutqarýshylardy estremaldi ortada áreket etýge beıimdeıdi. Qurylǵy kýrsanttardy áralýan kedergiler arqyly synaıdy. Munda labırınt jolyn almastyrýǵa, keńistikti tútinmen toltyrýǵa, qurylys nysandarynyń qıraý jaǵdaıyn somdaýǵa múmkindik bar. Keshen quny 75 mıllıon teńgeden astam. Qarjy Tótenshe jaǵdaılar komıtetinen bólinipti.
–Bul qurylǵy bizdiń kýrsanttardyń kásibı daıyndyǵyn arttyrady degen senimdemin. túlekterimiz aýdandar men qalalarǵa órt sóndirý tájirıbesi mol mamandar retinde attanady. bul tótenshe jaǵdaı qyzmeti úshin asa mańyzdy, deıdi Kókshetaý tehnıkalyq ınstıtýtynyń bastyǵy Syrym Sháriphanov
Instıtýt qabyrǵasynda 572 kýrsant kásibı bilim ıgerýde, syrttaı oqý bóliminde 300-ge tarta maman daıarlandy. Budan bólek 4 aýmaqtyq oqý ortalyqtarynda 300 kýrsant tótenshe jaǵdaılarmen kúres tásilderin meńgerýde. Aqmola jáne Soltústik Qazaqstan oblystarynyń tótenshe jaǵdaılarǵa qarsy is-qımyl departamenti basshylary jańa qurylǵynyń iske qosylýymen quttyqtap, qutqarýshylar qyzmetindegi kásibı sheberliktiń mańyzyna toqtaldy.
–Bul qyzý-tútin kamerasy kýrsanttarǵa shynaıy jaǵdaılarda ózderiniń kásibı biliktiligin shyńdaýǵa múmkindik beredi. Keshen Kókshetaý tehnıkalyq ınstıtýtynyń oqý-tájirıbelik qyzmetine jańa serpin beredi. Mundaı qurylǵy arqyly synnan ótken kýrsanttar árdaıym joǵary sheberlik deńgeıin tanytady dep bilemin, oblystyq tótenshe jaǵdaılar jónindegi departamentiniń bastyǵy Alekseı Sovetov.
Keshenniń ashylýy Kókshetaý tehnıkalyq ınstıtýty úshin úlken qýanysh. Aldaǵy ýaqytta qyzý-tútin kamerasy arqyly kýrsanttar adamdarǵa arasha túsýdiń kásibı erekshelikterin meńgeretin bolady.
