О́tken jyldyń basynda Jambyl oblysynyń ákimi Asqar Myrzahmetov kóp balaly analarmen kezdesip, jambyldyq kóp balaly jáne az qamtylǵan otbasylar úshin 8 jataqhana salynatynyn aıtqan edi. Bul bastama tek Taraz qalasynda ǵana emes, oblystyń birqatar aýdandyq mańyzy bar qalalarynda da júzege asqan bolatyn.
Jańa jyl qarsańynda Jambyl oblysynyń 80 jyldyǵyna oraı Talas aýdanynyń ortalyǵy Qarataý qalasynda 44 páterli jataqhana paıdalanýǵa berildi. Jańadan boı kótergen bul №3 jataqhana barlyq talapqa saı jaraqtandyrylǵan. Turǵyndardyń yńǵaıyna qaraı barlyq múmkindik qarastyrylǵan. Páterge negizinen kóp balaly jáne az qamtylǵan otbasylar ıe boldy. Igilikti sharaǵa Talas aýdanynyń ákimi Baqyt Qazanbasov arnaıy qatysyp, jańa qonysqa ıe bolǵan azamattarǵa páter kiltterin tapsyrdy.
О́z sózinde ákim bul ıgiliktiń bári de memlekettiń qoldaýynyń nátıjesinde bolyp otyrǵanyn, aldaǵy ýaqyttarda da kóp balaly jáne az qamtylǵan otbasylarǵa tıisti qoldaýlar bolatynyn jetkizdi. Sonymen qatar páter satyp alý maqsatynda bekitilgen algorıtmge sáıkes, bul maqsatqa aýdandyq bıýdjetten 74,2 mıllıon teńge qaralyp, nátıjesinde 65,65 mıllıon teńgege 17 páter satyp alynǵan. Mereke qarsańynda Baqyt Qazanbasov osyndaı birqatar páter kiltterin de óz ıelerine tapsyrdy.
Jambyl oblysy
