Aımaqtar • 08 Qańtar, 2020

Aqmola joldarynda ondaǵan adam qutqaryldy

36 ret kórsetildi

Bıyl qys jumsaq bolǵanymen, aýyq-aýyq uıytqı soǵatyn boran jolaýshylardyń jolda qańtarylyp qalýyna sebepshi bolyp otyr. Aqmola oblysy tótenshe jaǵdaılar, polısııa departamentteriniń qyzmetkerleri taıaýda oblys joldarynda ondaǵan adamdardy qutqardy.

Sońǵy boran soqtalanǵan naǵyz maı boran boldy. Dymqyl bolǵandyqtan, jumarlanyp jabysyp jatyr. Sonyń saldarynan oblys ishindegi kúre joldar keptetilip qaldy. Qystyń qatal synshy ekendigin biletin, tastúıin daıyn turǵan qutqarýshylar júzdegen mashınalardy qarly joldardan evakýasııalady, talaı adam jylytý oryndaryna ornalastyryldy. «Qazgıdromet» RMK aldyn ala eskertken kúrdeli meteorologııalyq jaǵdaı úlken qıyndyq týǵyzdy.

Oblys joldarynyń bes ýchaskesinde jol jabyldy. 22 jyljymaly baqylaý-ótkizý pýnkti qoıyldy. Jaǵdaıdy qalypty ustaýǵa ondaǵan avtomobılder men júzdegen qutqarýshylar men tótenshe jaǵdaılar kúshteri jumyldyryldy. О́tkizý pýnktterinde tótenshe jaǵdaılar jáne jergilikti polısııa qyzmetkerleri túsindirý jumystaryn júrgizdi. Sonyń nátıjesinde 394 túrli kólik, bes júzden astam adam tońyp-jaýramaı aman qaldy. Shortandy, Jaqsy jáne Arshaly aýdandarynda júrgizilgen apattan qutqarý jumystarynyń nátıjesinde de qar qursaýynan júzdegen tehnıkalar men adamdar evakýasııalandy.Abyroı bolǵanda zardap shekkender joq.

 

Aqmola oblysy

Sońǵy jańalyqtar

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar