Atalǵan sharalar júrgizýshi kýáligin jáne kólik quralyn tirkeý týraly kýálikti jeke basyn kýálandyratyn qujattarmen sáıkestendirý úshin qajet jáne qujattardy daıyndaýdyń biryńǵaı óndiristik standartyna kóshýge múmkindik beredi.
Belgili bolǵandaı, Qazaqstan Respýblıkasynyń kólik quralyn tirkeý týraly kýáliktiń jańa úlgisinde aıtarlyqtaı ózgerister bolǵan.
Atap aıtqanda, byltyr qarasha aıynda jańa úlgidegi júrgizýshi kýáligi 2020 jyldan bastap beriletini jarııalanǵan edi.
Alaıda jaqynda QR Ishki ister mınıstrliginiń tıisti buıryǵy ázirlenip, júrgizýshi kýáligi men kólik quralyn tirkeý týraly kýáliktiń jańa úlgilerin berý merzimi 2020 jyldyń 1 naýryzyna deıin ýaqytsha toqtatylǵan.
Qazirgi ýaqytta eski úlgidegi júrgizýshi kýálikteri berilip jatyr.
Toqtatý turý týraly buıryq jobasy ashyq normatıvtik-quqyqtyq aktiler portalynda kópshilik nazaryna usynylǵan. Onda qoǵamdyq talqylaýdyń merzimi 22 qańtarǵa deıin belgilengen.
