«Nur Otan» partııasy Qostanaı oblystyq fılıalynyń «Keń júrek» belgisimen atalyp ótti
Erlik jasaý úshin soǵys kerek emes. Adamdardy jaqsy kórip, ómirdi súıe bilgen jan erlik qımyl da jasaı alady. Muny kúndelikti tirlik kórsetip júr. Ondaı adamnyń júreginen barlyǵyna oryn tabylady. Gúljaýhar men Nurlan Tólegenovter ata-anasynyń qamqorlyǵynsyz qalǵan birneshe ulttyń balalaryn asyrap otyr. Jaqynda olardyń otbasy taǵy da jeti jasar Jenıamen tolyqty. Jas otbasy bolashaqta otbasylyq balalar úıin ashqysy keledi. Olar tastandy balalar adamdar tarapynan tas júrektikti, meıirimsizdikti emes, qustyń uıasyndaı otbasynyń jylýyn sezinip ósse eken deıdi jáne ony ózderi júzege asyrǵysy keledi. Qazir bul otbasynda barlyǵy on bala ósip keledi. Mine, erli-zaıypty jastardyń bul qadamyn erlik deýge bolmaı ma? Ábden bolady.
«Nur Otan» partııasy Qostanaı oblystyq fılıalynyń «Keń júrek» belgisimen atalyp ótti
Erlik jasaý úshin soǵys kerek emes. Adamdardy jaqsy kórip, ómirdi súıe bilgen jan erlik qımyl da jasaı alady. Muny kúndelikti tirlik kórsetip júr. Ondaı adamnyń júreginen barlyǵyna oryn tabylady. Gúljaýhar men Nurlan Tólegenovter ata-anasynyń qamqorlyǵynsyz qalǵan birneshe ulttyń balalaryn asyrap otyr. Jaqynda olardyń otbasy taǵy da jeti jasar Jenıamen tolyqty. Jas otbasy bolashaqta otbasylyq balalar úıin ashqysy keledi. Olar tastandy balalar adamdar tarapynan tas júrektikti, meıirimsizdikti emes, qustyń uıasyndaı otbasynyń jylýyn sezinip ósse eken deıdi jáne ony ózderi júzege asyrǵysy keledi. Qazir bul otbasynda barlyǵy on bala ósip keledi. Mine, erli-zaıypty jastardyń bul qadamyn erlik deýge bolmaı ma? Ábden bolady.
Erlik qadam jas talǵamaıdy. Taran aýdanynda turatyn Jaýkenovter úıinde tún ortasynda órt shyqty. Ata-anasy, baýyrlary qalyń uıqyǵa ketken. Altynshy synypta oqıtyn Narıman óziniń sabaǵyn daıyndap, uıaly telefonyna aldanyp otyrǵan. Úıden kúıiktiń, tútinniń ıisi shyqty. Ol as bólmeniń esigin ashyp qalǵanda ishten laýlaǵan jalyn balany shalqasynan qulata jazdady. Ol dereý anasyna júgirdi. Uıqyly-oıaý sasyp qalǵan anasy as bólmeniń esigin qaıta japqanda, dalaǵa shyǵar esikten óte almaı, turyp qaldy. Osy kezde Narıman tór bólmeniń terezesin syndyryp, úsh aılyq qaryndasyn kórpege oraı sala, terezeden syrtqa tez alyp shyqty. Náreste tútin ıisinen, ottan aman qaldy. Muny Narıman erlik jasadym dep oılamaıdy. Ol qaryndasynyń, anasynyń ottan aman qalǵanyna qýanady.
«Nur Otan» HDP Qostanaı oblystyq fılıaly meıirimdilik pen qaıyrymdylyq kórsetken, ózgeniń ómirin saqtap qalý úshin táýekel qımyl jasaǵan jandardyń erlik isin ózgege ónege etip kórsetý maqsatynda «Keń júrek» belgisin taǵaıyndaǵan bolatyn. Bıyl ol úshinshi ret laıyqty ıelerine tapsyryldy. Tek Jaýkenovter otbasy men Narıman ǵana emes, bul belgini alǵandardyń eshqaısysy da óz isin erlikke jatqyzbaıdy, árkim solaı ister edi dep biledi. Biraq ony erlik emes dep eshkim de aıta almaıdy.
Ústimizdegi jyldyń aqpan aıynda Amanqaraǵaı stansasynda turatyn tórt bozbala ormanǵa serýendeýge shyǵady. Eger boran soǵyp tursa jıyrmadan endi asqan jigitter mundaı qadamǵa barmas ta edi, bálkim. Sol kúni dalada qar qalyń bolǵanymen, kún jarqyrap shyǵyp, dala maı tońǵysyz bolyp turdy. Shańǵyshylar mezgildi baıqamaı ormanda uzaq júrip qaldy. Olar úıge bet alǵanda qystyń qysqa kúni eńkeıip qalǵan, aýa raıy buzylyp, burqasyndata bastady. Vıacheslav Nıkýlın degen jigit kenet esinen tanyp, qulap qaldy. Shańǵyshylar ony súıep, súıregenmen eshteńe ónbedi. Vıacheslavtyń qasynda bir jigit qaldy da, qalǵan ekeýi tez aýylǵa asyqty. Olar tún ortasynda Áýlıekólde turatyn ańshy Vıacheslav Hramovtyń terezesin qaqty. Ol eki sózge kelmeı, qar keshkish mashınasyna mindi. Belýardan qarǵa maltyǵyp júrip, balalardy taýyp aldy. Es-tússiz jatqan balanyń aıaq-qolynyń ushyn úsik shala bastapty...
– Siz tún ortasynda kómek berýden bas tartýyńyzǵa da bolatyn edi ǵoı? – degen jýrnalısterdiń suraǵyna Vıacheslav tańdana jaýap qatty.
– Qalaısha? Bizde barlyǵy da osyndaı, dál men sııaqty kómekke ushar edi!
Osy saltanatqa qatysqan «Nur Otan» HDP Qostanaı oblystyq fılıalynyń tóraǵasy, oblys ákimi Nuraly Sádýaqasov «Keń júrek» belgisin «BKstroı» jaýapkershiligi shekteýli seri
