«Biz – Abaı jolyndamyz!» atty sharany L.N. Gýmılev atyndaǵy Eýrazııa ulttyq ýnıversıtetiniń rektory, UǴA akademıgi Erlan Sydyqov kirispe sóz sóılep ashty. UǴA akademıgi Ǵarıfolla Esim, Jýrnalıstıka máselelerin zertteý ınstıtýtynyń dırektory, kórnekti ǵalym Namazaly Omashuly, «Zamanaýı zertteýler» ǵylymı-zertteý ınstıtýtynyń dırektory, PhD Muhıt Sydyqnazarov, Saıasattaný kafedrasynyń meńgerýshisi, Prezıdenttik jastar kadr rezerviniń múshesi, Abaı murasyn halyqaralyq deńgeıde nasıhattaý jobasynyń jetekshisi Indıra Rystına, Teleradıo jáne qoǵammen baılanys kafedrasynyń meńgerýshisi, aıtysker-aqyn, fılologııa ǵylymdarynyń kandıdaty Serikzat Dúısenǵazy, Jaratylystaný ǵylymdary fakýltetiniń 3-kýrs stýdenti, «Qamqor» eriktiler qozǵalysynyń múshesi Dıana Saılaýbaeva «Ulttyq bolmystyń úlgisi», «Jańa qoǵamnyń janashyry», «Memleket isiniń múddesi», «Álemdik mádenıettiń tulǵasy», «Torqaly toıdyń taǵylymy» taqyrybynda oı qozǵady.
Sondaı-aq stýdentter shara barysynda Abaı, Shákárim, Álıhan beınesin somdap, ýnıversıtet rektory Erlan Sydyqov «Otyrar» kitaphanasyna akademık Serik Qırabaev tapsyrǵan «Abaı joly» epopeıasynyń alǵashqy taraýynan úzindi oqyp, estafetany Ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanov pen álemdi aýzyna qaratqan ánshi Dımash Qudaıbergenovke, Sport jáne deneshynyqtyrý komıtetiniń tóraǵasy, Olımpıada chempıony Serik Sápıevke tapsyrdy.
Is-shara sońynda «Káýsar» mádenı-tanymdyq birlestiginiń jetekshisi, QR eńbek sińirgen ártisi, professor Kenjeǵalı Myrjyqbaı Abaıdyń «Jelsiz túnde jaryq aı» ánin shyrqap, ıgi sharaǵa jınalǵandar estelik sýretke túsip tarqasty.
