60 kelige deıingi salmaqta Qazaqstan atynan úsh sportshy synǵa túsken bolatyn. Týrnır qorytyndysy boıynsha Qaısar Alpysbaı fınalda baq synap, álem chempıony, brazılılyq Brozany jeńdi. Bul Qaısardyń Premer-lıga týrnırindegi eń alǵashqy jeńisi.
Darhan Asadilov pen Erkinbek Baıtóreev jarystyń qola júldesi úshin kezdesýi tıis edi. Alaıda, Erkinbek Darhanǵa jol berip, qola júlde Asadilovke buıyrdy. 67 kelidegi Dıdar Ámiráli qola júlde úshin ótken kezdesýde venesýelalyq álem chempıony Maderany utyp, úzdik úshtikke endi. Osy salmaqtaqtaǵy taǵy bir qola júldeni qazaqstandyq Asylbek Muratov ıelendi.
84 kelidegi Igor Chehmarev pen +68 kelide synǵa túsken Sofıa Berýlseva qurama qorjynyn qola júlde saldy. Al úshinshi orynǵa talasqan 75 kelidegi Ermek Aınazarov Marokko sportshysynan utylyp, alǵashqy bestikke endi.
- Chılıdegi týrnırde Qazaqstan atynan qatysqan 12 sportshynyń segizi júldege talasty. Menińshe, bul jaqsy kórsetkish. Alda bizdi úlken jarys kútip tur. Bul - Parıjdegi Premer-lıga básekesi. Chılıdegi jaqsy nátıjemiz Parıjde eselene túsedi dep oılaımyz, - deıdi komanda bas bapkeri Jastalap Sanaýov.
