Temirhan Serikbaıuly Abylaev 1973 jyly Ulytaý aýdanynda dúnıege kelgen. Eki joǵary bilimi bar: 1997 jyly О́.Baıqońyrov atyndaǵy Jezqazǵan ýnıversıtetin «Qazaq tili men ádebıeti pániniń oqytýshysy» mamandyǵy boıynsha jáne 2004 jyly E.Bóketov atyndaǵy Qaraǵandy memlekettik ýnıversıtetin «Dene tárbıesi jáne sport pániniń oqytýshysy» mamandyǵy boıynsha támamdaǵan.
Eńbek jolyn 1991 jyly Ulytaý aýdanyndaǵy Sheńber sovhozynyń №3 fermasynda shopannyń kómekshisi, sodan keıin aǵa shopan bolyp bastaǵan.
1997 jyly Ulytaý aýdanynyń №2 Qorǵasyn orta mektebinde dene tárbıesi pániniń muǵalimi boldy. 1998 jyly «Annensk» kenishinde burǵylaýshy bolyp jumys istedi. 1999 jyly №13 Jezqazǵan orta mektebinde qazaq tili men ádebıeti pániniń muǵalimi boldy.
2000 jyldan 2008 jylǵa deıin Jezqazǵan qalalyq balalar-jasóspirimder sport mektebinde dzıýdodan jattyqtyrýshy-oqytýshy bolyp eńbek etti. 2008 jyly mektep dırektorynyń qyzmetin atqardy.
2010 jyldan bastap 2015 jylǵa deıin Jezqazǵan olımpıadalyq rezervtegi mamandandyrylǵan balalar men jasóspirimder mektebiniń basshysy boldy. 2015 jyldan qazirgi ýaqytqa deıin oblystyq keshendi mamandandyrylǵan balalar-jasóspirimder sport mektebin basqardy.
