Senator N.Ostrovskıı atyndaǵy mektep-lıseıde kezdesý ótkizdi. Mektep dırektory Kúlshat Muqasheva depýtatqa mekteptiń jetistikteri týraly aıtyp, birqatar problemalyq máselelerge toqtaldy. Búgingi kúni 670 oqýshyǵa eseptelgen mektepte 900 bala oqıdy. Degenmen, balalardy normadan tys qabyldaǵany úshin dırektorǵa zań júzinde aıyppul salynady. Dırektor osyǵan baılanysty zańnamaǵa ózgerister engizý máselesin kóterdi.
Senator sapary aýdandyq ortalyq aýrýhananyń ǵımaratynda jalǵasty. Onyń qurylysy 30 jylǵa sozylǵan bolatyn, búgingi kúni barlyq jóndeý jumystary aıaqtaldy.
Sarqan polıtehnıkalyq kolledjinde bolǵan kezde oqý ornynyń dırektory Nurahmet Mátkárimov senatorǵa apatty jaǵdaıdaǵy stýdenttik jataqhanany kórsetip, ony kúrdeli jóndeýge qarajat bólýge kómektesýdi surady. Senat depýtaty Lázzat Súleımen aıtylǵan barlyq ózekti máselelerdi baqylaýǵa alatynyn jetkizdi.
Senator jumys sapary aıasynda aýdandyq quqyq qorǵaý organdarynyń basshylarymen, kásibı jáne kásibı emes medıatorlarmen kezdesti. Júzdesý barysynda zańnamalyq aktilerge engizilgen sońǵy ózgerister men tolyqtyrýlar talqylandy.
Lázzat Súleımen sapar sońynda azamattardy jeke máseleler boıynsha qabyldady. Qoǵamdyq qabyldaýǵa 3 adam ótinish bildirgen bolatyn. Sarqan aýdanynyń turǵyny Nıkolaı Nıkonov nóser jaýynǵa arnalǵan káriz júıesin retke keltirý týraly máseleni kóterdi. Arystanbek Smahanov Sarqan qalasynda deneshynyqtyrý-saýyqtyrý keshenin salý qajettigin jetkizdi. Ekiasha mektebiniń dırektory Nazgúl Beıisova mektep ǵımaraty kúrdeli jaǵdaıda ekenin aıtyp, jóndeýge kómek kórsetýdi surady. Depýtat azamattardy muqııat tyńdap, óz oılaryn aıtty.
