Arman Saparǵalıuly Lıambekov 1970 jyly Qarqaraly qalasynda dúnıege kelgen. Eki joǵary bilimi bar: 1999 jyly Qaraǵandy memlekettik tehnıkalyq ýnıversıtetin «Injener-mehanık» mamandyǵy boıynsha jáne 2016 jyly S.Seıfýllın atyndaǵy Qazaq agrarlyq-tehnıkalyq ýnıversıtetin «Agronom» mamandyǵy boıynsha támamdaǵan.
Eńbek jolyn 1994 jyly Qarqaraly AIIB ekologııalyq mılısııa ınspektory bolyp bastady.
1998 jyly «Qarqaraly ATP» AQ kezekshi mehanıgi bolyp jumys istedi. 2002 jyly memlekettik qyzmetke aýysyp, Qaraǵandy qalalyq Qazybek bı atyndaǵy aýdan ákimi apparatynyń bas mamany laýazymyn atqardy.
2005 jyly Qaraǵandy oblystyq aýyl sharýashylyǵy departamentiniń bas mamany bolyp qyzmet etti.
2006 jyldan 2010 jylǵa deıin Qaraǵandy oblysy ákimi apparatynda ár túrli laýazymdarda qyzmet atqardy.
2010-2013 jyldar aralyǵynda Qaraǵandy oblysy ákimi apparatynyń AО́K jáne tabıǵatty paıdalaný bóliminiń meńgerýshisi boldy. Qazirgi taǵaıyndalǵanǵa deıin osy bólimniń basshysy qyzmetin atqardy.
