– Barlyq 19 qala men aýdandarda 2019 jyly AÁK alǵan, biraq 2020 jyly AÁK aıasyna túspeıtin otbasylar arasynda túsindirý jumystaryn júrgizý úshin 258 aqparattyq top quryldy. Qazirgi ýaqytta oblys boıynsha túsindirý jumystarymen 3581 otbasy qamtylǵan, onyń ishinde 2038 az qamtylǵan jáne 1543 kóp balaly otbasy, – deıdi basqarma basshysy Jasulan Sársebaev.
Aımaq basshysy ShQO-da qazirgi ýaqytta jumyssyzdyqpen kúresý úshin barlyq jaǵdaı jasalǵanyn atap ótti. Bul óz bıznesin ashý úshin granttar bólý, tómen paıyzdyq mólsherlememen nesıe berý.
– Oblysta árbir muqtaj otbasyna tıimdi áleýmettik kómek kórsetilýi tıis. Budan basqa, eńbekke yntalandyrý jasaý, halyqty jumyspen qamtý jaǵdaılaryn qarastyrý jáne sonyń saldarynan kedeıshilik shegin qysqartý qajet. Bul sheshilýi tıis basty mindetterdiń biri, – dedi Danıal Ahmetov.
Aıta ketý kerek, AÁK jańa tetigi aıasynda jumysqa ornalasýdan bas tartqan eńbekke qabiletti adamdar AÁK-dan 6 aıǵa aırylady. Sondaı-aq, kelisimshart talaptary buzylǵan jaǵdaıda ataýly áleýmettik kómek taǵaıyndaý jarty jylǵa toqtatylady.
