Búgin Fransııanyń Eks-an-Provans qalasynda BTA-banktiń burynǵy basshysy Muhtar Ábilázovtiń isi boıynsha sot otyrysy bastaldy. Bul týraly jergilikti BAQ ókilderiniń aqparyna silteme jasaǵan RIA «Novostı» habarlady.
Sotta Ábilázovtiń Qazaqstanǵa ekstradısııa jasalýy jaıly sheshim qabyldanyp qalýy da múmkin.
Ol keshe, 31 shilde kúni Fransııanyń Kanny qalasyna jaqyn mańda polısııa arnaıy jasaǵynyń is-sharasy barysynda qolǵa túsken bolatyn. Shara bıznesmendi ustap berýdi ótingen Reseıdiń suraýy boıynsha júzege asqan kórinedi. Bir qyzyǵy, ony surap otyrǵandardyń arasynda Qazaqstannan bólek Ýkraına da bar kórinedi.
Osy oqıǵa týraly keshe kúlli álemge birinshi bolyp habarlaǵan Anglııanyń «Financial Times» gazeti búgin Ábilázovtiń qamaýǵa alynýyna baılanysty qosymsha derekter taratty. О́z atynyń atalmaýyn suraǵan Ábilázovtiń advokaty bankırdi qolǵa túsirý kezinde onyń janynda qaryndasy bolǵanyn málimdedi. Biraq fransýz quqyq qorǵaýshylary Gaýhar Ábilázovany birden bosatqan.
Aıdar О́risbaev.
