Kolýmbııa qutqarýshylary sý tasqyny kezinde kúshti aǵyspen alyp ketken úsh jasar balany káriz júıesi qudyǵynan tapty. Bul týraly «Lifenews.ru» habarlap otyr.
Oqıǵa Kolýmbııanyń Barrankılıa qalasynda oryn aldy. Qutqarýshylar balany káriz júıesi qubyrlarynan bir táýlik boıy izdegen.
Qutqarý jasaqtarynyń deregi boıynsha, sý balaqaıdy káriz júıesi qubyrlarynyń boıymen bir jarym shaqyrym jerge aǵyzyp áketken. Bir táýlik ótip, bala tabylǵan kezde ol bar kúshimen dýalǵa jarmasyp turǵan eken. «Kishkentaı balanyń batyldyǵyna barlyǵymyz tań qaldyq, – deıdi qutqarýshylar. – Ony shyǵarǵan boıda dárigerlerdiń qolyna tapsyrdyq».
Basynan ótken qıyn oqıǵaǵa qaramastan, sábı qazir ózin jaqsy sezinýde. Dárigerler onyń ómirine qaýip tónip turǵan joq ekenin eskerip, bala jaqyn arada týystarynyń qolyna tapsyrylatynyn málimdedi.
Aıdar О́risbaev.
