«Jedel járdem» qyzmeti jetildiriledi

Adam balasynyń basyna tóner qaýiptiń sany kóp. So­nyń biri – aıaq astynan bolatyn jaraqat túrleri. Jóńkilip jat­qan kólik qaqtyǵystarynda, kún­delikti turmysta, qurylysta, ón­di­riste, áıteýir ár jerde, túr­li sıpatta, túrli dárejede ja­ra­qattanyp, «Jedel járdem» qyz­­meti shaqyrylady. Mine, sondaı sátte janyńnan taby­latyn dáriger biligine kóp dú­nıe baılanys­ty. Aýrýhanaǵa jet­kizilmesten buryn jasalǵan alǵashqy kómekten bastap, jolda, kólik ústinde, odan klınıkaǵa aparǵan kezdegi járdemniń deń­geıi qandaı? Ári ony qalaı jaq­sartýǵa bolady degen oı je­tegi TMD kóleminde alǵash ret halyqaralyq standartqa jaýap beretin PHTLS (Prehospital Trauma Life Support – Jaraqat kezinde aýrý­hanaǵa deıingi jedel járdem jat­tyq­tyrýshylaryn) daıarlaý qajet degen maqsatqa alyp keledi. Osylaısha Ult­tyq shuǵyl medısınalyq kómek­tiń úılestirý ortalyǵy halyq­aralyq NAEMT (National Association of Emergency Medikal Technikans – Ja­raqat­taný boıynsha jedel járdem ma­man­­darynyń ulttyq assosıasııasynan) ser­tı­fıkattandyrylǵan jat­tyq­tyrýshylardy shaqyrtyp, qa­zaqstandyq alǵashqy 10 jat­tyqtyrýshyny oqytty.

Sertıfıkatty tabystaý rásiminde sóılegen Densaý­lyq saqtaý vıse-mı­nıstri L.Aq­taeva alǵashqy nusqaýshy-jattyq­tyrýshylarǵa: «Sizder alǵan sertıfıkattyń merzimi 4 jylǵa belgi­lengen. Jattyqtyrýshylyq – ózgeshe abyroıly mindet. Osy jyldar ishinde aldyńyzǵa kelgen mamandarmen bil­genderińizben bólisip, nusqaýshy-jattyq­ty­rýshy qyzmetin atqaryp, siz­der taratqan tájirıbe arqyly tu­tas el kóleminde halyqaralyq stan­dart­qa jaýap beretin je­del járdem qyz­metiniń jumy­sy júredi. Sondyqtan moıyn­daryńyzda jaýapty da, abyroıly mindet tur» dedi.

Ulttyq shuǵyl medısı­na­lyq kó­mektiń úılestirý ortaly­ǵyn­­da­ǵy Oqy­tý ortalyǵynyń je­tekshisi Ǵu­­myr­bek Aǵybaevty sózge tartqa­nymyz­da ol alǵashqy 10 nusqaýshy-jattyq­ty­rý­shynyń arnaıy oqytylýynyń ma­ńyzyna toqtala kele: «Jasyratyn jaı emes, búginde elimiz boıynsha jol-kólik oqıǵalarynan kóptegen adam zar­­dap shegip, talaı jas qyrshynynan qıylyp jatady. Al oqyp shyqqan mamandar osyndaı kezde kómektiń qandaı jaǵdaıda, qaı túri tıimdi ekenin paıym­dap, birinshi kezekte ne atqarylýy tıis, aýrýhanaǵa jetý jolynda qandaı kásibı járdem kórsetiledi, sonyń bárin arnaıy oqytyp úıretetin sertıfıkatty ma­mandardyń aldyn kórip, bilimderin jetildirdi. Endi árqaısysy óz óńirlerine baryp, «Jedel járdem» mamandaryn jaraqattaný kezinde kórsetiletin kó­mekter júıesi boıynsha oqytady, osylaısha óz mamandarymyzdyń tizbegi qalyptasatyn bolady», dedi.