Qostanaı oblysyndaǵy Rýdnyı qalasynda kósheden tabylǵan náresgtege Karına degen at berildi. Búgin shaqalaq Rýdnyıdaǵy perzenthanadan qalalyq aýrýhananyń jańa týǵandar patologııasy bólimshesine aýystyryldy. Bul týraly oblystyq ishki ister departamentiniń baspasóz qyzmeti habarlady.
Bólimshe meńgerýshisi Roza Kóbekova qyz balanyń densaýlyq jaǵdaıy jaqsy ekenin aıtady. Oǵan qazir kerekti emdeý kýrsy belgilengen. Sony bitirgesin aýrýhanadan shyǵarylady.
Iývenaldy polısııa ınspektory polısııa kapıtany tatıana Gýsevanyń aıtýynsha, qazir Rýdnyı qalasy ákiminiń orynbasary Elena Skaredınanyń atyna aqparattyq hat joldanyp, atalǵan oqıǵany jastary káseletke tolmaǵandar isi jónindeni komıssııada qaraý, sonyń negizinde kishkentaı náresteni kóshege tastap ketken 31 jastaǵy áıeldi analyq quqynan aıyrý máselesin sheshý usynylǵan.
Eske sala keteıik, 31 jastaǵy áıel 27 shilde kúni saıajaıda qyzdy týysymen paket orap, kóshege alyp shyqqan da, saıajaı qaýymdastyǵy ǵımaratynyń esigi aýzyna tastap ketken. Ananyń sózinshe, ol náreste ólip qalǵandaı bolyp kóringesin osylaı etýge májbúr bolypty. Balaǵa kelgen «jedel járdem» kóliginiń qyzmetkerleri de sondaı oıǵa toqtapty.
Sol kezde jergilikti buqaralyq aqparat quraldarynda jańa týǵan náresteniń óli kúıde tabylǵany týraly jazylǵan. Alaıda, Rýdnyı qalalyq aýrýhanasynyń dárigerleri sábıdi ómirge qaıta keltirýge biraz kúsh jumsap, maqsattaryna jetkenge uqsaıdy.
Sultan Bozaıǵyr.
