Bıylǵy 31 shilde kúni Fransııanyń Lazýr jaǵalaýyndaǵy Mýan-Sartý eldi mekeninde qazaqstandyq bankır Muhtar Ábilázov qolǵa tústi. Munyń jaıyn «Ekspress K» gazeti búgin keńeıtińkirep jazyp otyr.
Sheteldik BAQ ókilderiniń habarlaýynsha, Ábilázovti tutqyndaý kezinde odan Ortalyq Afrıka respýblıkasynyń azamaty Marat Aıannyń atyna berilgen pasport tárkilengen eken. Jaqyn arada onyń abaqtyda qalý nemese ekstradısııalaný máseleleri sheshiledi dep kútilýde.
Bankırdi tek bizdiń elimizdiń quqyq qorǵaý organdary ǵana izdestirip jatqan joq. Ony tergeýge Reseı men Ýkraına da qyzyǵýshylyq bildirip otyr. Ázirge Qazaqstan men Fransııa arasynda ekstradısııa jóninde kelisim joq. Sondyqtan da Ábilázov Reseı men Ýkraınanyń birine jetkiziliý múmkin. Al sot prosesi negizinen bankırdi Ýkraınaǵa ekstradısııalaý máselesin qarastyryp otyrǵan kórinedi.
RIA «Novostı» agenttigi habarlaǵandaı, Muhtar Ábilázovti quryqtaý onyń tanysy Elena Tıshenkonyń izine túsý arqyly júzege asyrylypty. Elena – Ábilázovtiń ýkraınalyq áriptesi Sergeı Tıshenkonyń burynǵy áıeli. Ol Londonda ótken sot otyrysynan Fransııaǵa qaıta oralǵannan keıin baqylaýǵa alynǵan eken.
Aıdar О́risbaev.
