Jaǵymdy jańalyq dúnıe júzi­niń jeli qoldanýshylaryn da beıjaı qaldyrmady. Kish­kentaı ıagýar­dyń ómirge kelýi órtke oranǵan Aýs­tralııa qur­lyǵynyń qaıǵysyn bó­lisýge úndegendeı edi... Iá, órt­ke oran­ǵan Aýstralııa kúlli álem­di kúńi­­rentti. Álemde sırek kezdesetin mıl­lıardtaǵan ja­nýarlar araly qy­zyl ja­lyn qursaýynda qaldy. Aýs­tralııa turǵyndarynyń jan kúızelisin bólispek nıet­te áleýmettik jeli qol­da­ný­shy­lary kishkentaı ıagýar­ǵa at qoıýǵa, onyń tirshilik álemindegi qadamyna súıis­penshilik bildirip, kóptegen esim usyndy. Zoobaq qyz­met­kerleri jelidegi barlyq usynysty saraptaı kele, teń­bil kúshikke «Aýstralııa» dep at qoıyp, onyń qyryq kún shıraýyn kútti.

Iаgýar kúshiginiń jaǵ­da­ıymen tanys­tyrǵan Ja­nýar­lar baǵy Damý bó­liminiń meń­gerýshisi Aqjanı Rahı­­movanyń aıtýynsha, byltyr 9 qarashada týǵan ıagýar kúshigi men ene­sin mamandar qyryq kún kútip bap­tady. Kúsh-qýat jıyp, ózdiginen tirshilik álemine qadam basýyna erekshe kóńil bólindi. Aýstralııanyń anasy Momyn 2010 jyly osy zoobaqta týǵan, Sara jáne Fransýz esimdi ıagýarlardyń tóli. Al ákesi 2014 jyly No­vosibirden ákelingen Vas­ka esimdi ıagýar. Olardyń bes jylǵy juptasýynan keıin Aýstralııa ómirge kelgen. Bú­ginde zoobaqta 4 ıagýar tir­shilik etýde. Jyrtqyshtar bó­liminiń meńgerýshisi Dáý­ren Kenjebekovtiń aıtýyn­sha, qazir baýyryn kó­tergen teńbilsherdiń salmaǵy 5 kıloǵa jýyq­tady, qımyly shıraq. О́zin jıi súısine ba­qylaıtyndarǵa da úı­re­nip qalǵandaı. Iаgýar kúshiginiń myqty bolyp ósýi úshin ene­sine qolaıly jaǵdaı ja­saldy. Zoobaq qyz­metkerleriniń áleý­­mettik jeli arqyly taraǵan óti­nishine oraı qala turǵyndary zoobaq­qa bes júz­­ge jýyq jańa jyldyq shyrsha ákelgen. Shyrshalar tórt aıaqtylarǵa ári taǵam re­tinde ári kóńil aldarqatý úshin qajet.

Zoologııa ınstıtýty Te­rıo­logııa bóliminiń kishi ǵy­lymı qyzmetkeri Sanjar Qańtarbaevtyń aıtýynsha, ıagýardyń otany – Ońtústik Ame­rıka, Amazonkanyń tro­pıkalyq ormandary. Jyrt­qyshtardyń, onyń ishinde my­syq tuqymdasqa jatatyn janýardyń bul túrin saq­taý boıynsha Qazaqstan 1992 jyly Rıo-de-Janeıroda qabyldanǵan bıologııalyq ártúrlilikti saqtaý konvensııa­syna qosylǵan. Iаgýarlardy tabıǵatta nemese jasandy ortada saqtaý ha­lyq­aralyq talaptar negizinde júzege asýda. Búginde Qazaqstandy me­ken­deıtin Túrkistan si­leýsini, qar barysy, manýl, dala mysyǵy sııaqty my­syq tuqymdastar da erekshe qor­ǵaýǵa alynǵan.

ALMATY